मुंबई - Tumhare Hi Rahenge Hum From Stree 2 : श्रद्धा कपूर आणि राजकुमार राव स्टारर 'स्त्री 2' चित्रपटगृहांमध्ये प्रदर्शित होण्यासाठी सज्ज झाला आहे. अमर कौशिक दिग्दर्शित आगामी हॉरर-कॉमेडी ड्रामा पाहण्यासाठी आता अनेकजण उत्सुक आहेत. दरम्यान, चाहते आणि प्रेक्षकांचा उत्साह कायम ठेवण्यासाठी निर्मात्यांनी 'स्त्री 2'मधील 'तुम्हारे ही रहेंगे हम' गाणं आज, 6 ऑगस्ट रोजी रिलीज केलं आहे. हे गाणं रिलीज होताच सोशल मीडियावर लोकप्रिय झालं आहे. तसंच श्रद्धा आणि राजकुमार यांनी त्यांच्या अधिकृत इंस्टाग्रामवर 'स्त्री 2'च्या नवीन रोमँटिक गाण्याची झलक चाहत्यांबरोबर शेअर केली आहे. हे गाणं शेअर करताना त्यांनी कॅप्शनमध्ये लिहिलं, "प्रतीक्षा संपली कारण आम्ही तुमचेच होतो, आम्ही तुमचेच आहोत, आम्ही तुमचेच राहू."
'स्त्री 2'मधील गाणं रिलीज : 'स्त्री 2' हा चित्रपट रुपेरी पडद्यावर स्वातंत्र्यदिनी, 15 ऑगस्ट रोजी प्रदर्शित होणार आहे. रिलीज झालेल्या गाण्यामध्ये 'स्त्री' आणि 'बिक्की' यांच्यातील रोमँटिक केमिस्ट्री सुंदर पद्धतीनं मांडण्यात आली आहे. या गाण्यात स्त्रीच्या पहिल्या भागाची झलकही दाखवण्यात आली आहे. 'स्त्री 2'मधील गाणं वरुण जैन, शिल्पा राव आणि सचिन-जिगर यांनी गायलं आहे. या गाण्याचं संगीत सचिन-जिगर यांनी संगीत दिलंय. आता 'स्त्री 2 रिलीज होण्यासाठी फक्त 10 दिवस बाकी आहेत. या चित्रपटामध्ये श्रद्धा कपूर आणि राजकुमार राव व्यतिरिक्त तमन्ना भाटिया, अपारशक्ति खुराना, विजय राज, आकाश दाभाडे, पंकज त्रिपाठी, अभिषेक बॅनर्जी आणि फ्लोरा सैनी हे कलाकार दिसणार आहेत.
'स्त्री' चित्रपट हिट : 'स्त्री 2' हा चित्रपट 2018 मध्ये आलेल्या 'स्त्री'चा सीक्वेल आहे. हा चित्रपट प्रेक्षकांना खूप आवडला होता. या चित्रपटानं बॉक्स ऑफिसवर खूप कमाई केली होती. आता 'स्त्री 2'मध्ये प्रेक्षकांना एक वेगळी कहाणी पाहायला मिळणार आहे. यावेळी 'स्त्री 2' मध्ये, चंदेरीच्या लोकांना एका नवीन शत्रूचा सामना करावा लागणार आहे. सरकटा नावाचा डोके नसलेला राक्षस हा या गावातील लोकांना त्रास देणार आहे. पंकज त्रिपाठी ( रुद्र भैय्या)नं स्पष्ट केल्याप्रमाणे, सरकटा हा स्त्रीचा कट्टर शत्रू आहे. आता चंदेरीतील लोकांना सरकटा छळताना दिसणार आहे.
हेही वाचा :
- खऱ्या आयुष्यात 'स्त्री' लग्न कधी करणार? यावर श्रद्धा कपूरनं दिलं मिश्किल उत्तर - Shraddha Kapoor Marriage Plan
- 'स्त्री 2' ट्रेलर मध्ये दिसली 'सरकटा'ची दहशत, गावातील स्त्रीयांच्या जीवाला धोका - Stree 2 Trailer
- बिक्की उर्फ राजकुमार राव आपल्या गँगसह 'स्त्री 2'मधून धमाका करण्यासाठी सज्ज, नवीन पोस्टर रिलीज - STREE 2 Movie
