करीना कपूर स्टारर 'द बकिंगहॅम मर्डर्स'चं ट्रेलर प्रदर्शित, पाहा व्हिडिओ - kareena kapoor detective

The Buckingham Murders Trailer: करीना कपूर अभिनीत 'द बकिंगहॅम मर्डर्स'चा ट्रेलर आता रिलीज झाला आहे. हा ट्रेलर थरारक असून यात करीना मर्डर्स मिस्ट्री सॉल्व करताना दिसत आहे.

मुंबई - The Buckingham Murders Trailer : बॉलिवूड अभिनेत्री करीना कपूर खान तिचा पुढचा क्राईम थ्रिलर 'द बकिंगहॅम मर्डर्स'च्या रिलीजसाठी सज्ज आहे. हा चित्रपट रुपेरी पडद्यावर 13 सप्टेंबर रोजी प्रदर्शित होत आहे. याआधी निर्मात्यांनी या चित्रपटाचं ट्रेलर रिलीज केलं आहे. 'द बकिंगहॅम मर्डर्स' चित्रपटाच्या रिलीजसाठी चाहत्यांमध्ये खूप उत्साह पाहायला मिळत आहे. करीना कपूरच्या पात्राचं नाव या चित्रपटात जसमीत भामरा असणार आहे. 'द बकिंगहॅम मर्डर्स' चित्रपटाचा टीझर देखील हा चाहत्यांना खूप आवडला होता. यावर अनेक चाहत्यांनी आपल्या प्रतिक्रियाही दिल्या होत्या. दरम्यान करीना कपूरनं तिच्या अधिकृत इंस्टाग्राम हँडलवर या चित्रपटाचा ट्रेलर शेअर केला आहे. यात ती एक मर्डर्स मिस्ट्री सॉल्व करताना दिसत आहे. करीना कपूर खान तिच्या करिअरमध्ये पहिल्यांदाच एका गुप्तहेराच्या भूमिकेत दिसणार आहे.

'द बकिंगहॅम मर्डर्स'चा ट्रेलर प्रदर्शित : हंसल मेहता दिग्दर्शित क्राईम ड्रामा असलेल्या या चित्रपटाचा ट्रेलर हा खूपचं सस्पेंसनं भरलेला आहे. नुकत्याच प्रदर्शित झालेल्या ट्रेलरमध्ये करीना बकिंगहॅम शहरामधील एका हत्येचं रहस्य शोधण्याचं काम करत आहे. ट्रेलरमध्ये करीनाचं पात्र, तिच्या मुलाच्या दुःखद घटनेनंतर, गुप्तहेर क्षेत्रात जाताना दिसतं. यानंतर या ट्रेलरमध्ये एका छोट्या मुलाचा मृत्यू दाखविण्यात येतो. या चित्रपटाची संपूर्ण कहाणी ही या मर्डर्स मिस्ट्री भोवती फिरणारी आहे. करीनानं याआधी एका मुलाखतीत म्हटलं होतं, " ही भूमिका करणे मला आवडले, कारण मी पहिल्यांदाच गुप्तहेराची भूमिका करत आहे आणि मला क्राईम थ्रिलर ड्रामा खूप आवडतो."

'द बकिंगहॅम मर्डर्स'ची स्टारकास्ट : 'द बकिंगहॅम मर्डर्स'मध्ये ॲश टंडन, रणवीर ब्रार आणि किथ ॲलन यांच्याही सहाय्यक भूमिका आहेत. दरम्यान ऑक्टोबर 2023 मध्ये नीता मुकेश अंबानी कल्चरल सेंटर येथे मुंबई फिल्म फेस्टिव्हलमध्येही हा चित्रपट प्रदर्शित करण्यात आला होता. हा चित्रपट रुपेरी पडद्यावर हिंदी आणि इंग्रजी भाषेत रिलीज होणार आहे. या चित्रपटाचा ट्रेलर पाहून आता अनेकजण हा चित्रपट पाहणार असल्याची प्रतिक्रिया देत आहेत. दरम्यान करीनाच्या वर्कफ्रंटबद्दल बोलायचं झालं तर पुढं ती रोहित शेट्टीच्या 'सिंघम अगेन' या चित्रपटात दीपिका पदुकोण आणि अजय देवगणबरोबर स्क्रिन शेअर करताना दिसणार आहे.

हेही वाचा :