मुंबई - Actor Vijay on NEET : साऊथ अभिनेता राजकारणी थलपथी विजय यांनी अलीकडेच एका कार्यक्रमात वैद्यकीय प्रवेश परीक्षा, नीट (NEET) रद्द करण्याच्या मुद्द्यावर आपले मौन सोडले. तमिलगा वेत्री कझगम (TVK) अध्यक्ष विजय म्हणाले की, " नीट परीक्षा रद्द करणे हा एकमेव उपाय आहे. नीट परीक्षा रद्द करण्याच्या राज्य विधानसभेच्या प्रस्तावाला विजय यांनी पाठिंबा दिला आहे. विजय यांनी म्हटलं, "नीट परीक्षेवरील लोकांचा विश्वास उडाला आहे. देशाला नीटची गरज नाही. नीटमधून मुक्तता मिळणे हा एकमेव उपाय आहे. राज्य विधानसभेत नीटच्या विरोधात मंजूर झालेल्या ठरावाचं मी मनापासून स्वागत करतो."
थलपथी विजयनं केंद्र सरकारला विनंती : केंद्र सरकारला विनंती करताना त्यांनी म्हटलं, "मी केंद्र सरकारला विनंती करतो की, तामिळनाडूच्या लोकांच्या भावनांचा आदर करावा. शिक्षणाच्या विषयाला राज्यांकडं असलेल्या विषयांच्या यादीत आणले पाहिजे." यानंतर पुढं त्यांनी म्हटलं, '"अंतरिम उपाय म्हणून भारतीय संविधानात दुरुस्ती करून 'विशेष समवर्ती यादी' तयार करावी. त्यात शिक्षण आणि आरोग्याचा समावेश करावा." डीएमके राज्यसभा सदस्य पी विल्सन यांनी केंद्र सरकारला वैद्यकीय प्रवेश परीक्षा रद्द करण्याची आणि तामिळनाडूला स्पर्धात्मक परीक्षेतून वगळण्यासाठी विनंती केली होती. अशातच नीटचा पेपर लीक झाल्याची माहिती समोर आल्यानंतर तामिळनाडूमधून नीट परीक्षेला विरोध वाढला आहे.
Chennai, Tamil Nadu | Speaking at a party event, TVK chief and actor, Vijay says, " people have lost faith in neet examination. the nation doesn't need neet. exemption from neet is the only solution. i wholeheartedly welcome resolution against neet which was passed in the state… pic.twitter.com/PatKO7MSWU
— ANI (@ANI) July 3, 2024
विजय झाला ट्रोल : आता अनेकजण सोशल मीडियावर विजयला ट्रोल करताना दिसत आहे. काही लोक नीट परीक्षा ही खूप महत्वाची असल्याचं म्हणत आहे. काहीजण विजच्या भाषणावर प्रतिउत्तर देत आहेत. विजयच्या वर्कफ्रंटबद्दल बोलायचं झालं तर तो शेवटी 2023 मध्ये आलेल्या 'लिओ' चित्रपटात दिसला होता. हा चित्रपट रुपेरी पडद्यावर ब्लॉकबस्टर ठरला. या चित्रपटानं जगभरात 600 कोटींहून अधिक कमाई केली. आता पुढं तो 'द ग्रेटेस्ट ऑफ ऑल टाइम' या चित्रपटामध्ये दिसणार आहे.
हेही वाचा :
- जापान में 5 जुलाई से शुरू होगी शाहरुख खान की 'जवान' की एडवांस सेल, जानें कब रिलीज होगी फिल्म - Jawan in Japan
- तमिल एक्टर विजय ने NEET मामले पर तोड़ी चुप्पी, मेडिकल परीक्षा को समाप्त करने के प्रस्ताव का किया समर्थन - Actor Vijay on NEET
- सिद्धार्थ मल्होत्रा के फैन के साथ लाखों की ठगी, कियारा आडवाणी की वजह से सिद्धार्थ की जान को खतरा'! - Sidharth Malhotra
