मुंबई - Taapsee Pannu Mathias Boe's Sangeet Night: हिंदी चित्रपटसृष्टीची सुंदर अभिनेत्री तापसी पन्नू आणि बॅडमिंटनपटू मॅथियास बोई यांनी 23 मार्च रोजी उदयपूरमध्ये गुपचूप लग्न केलं. दरम्यान या जोडप्यानं अद्याप त्यांच्या लग्नाचे फोटो सोशल मीडियावर शेअर केलेले नाहीत. आता सोशल मीडियावर या जोडप्याच्या म्युझिकल नाईटची एक झलक समोर आली आहे. या व्हिडिओमध्ये लग्नामधील भव्यता दिसत आहे. तापसी पन्नू आणि मॅथियास बोईच्या लग्नाच्या आयोजकानं 1 मे रोजी इंस्टाग्रामवर या जोडप्याच्या म्युझिकल नाईटचा व्हिडिओ शेअर केला होता.
तापसी पन्नूच्या लग्नामधील व्हिडिओ व्हायरल : यामध्ये त्यांनी कॅप्शनमध्ये लिहिलं, "तापसी आणि मॅथियास बोईची म्युझिकल नाईटची एक्सक्लूसिव स्टेप." या व्हिडिओमध्ये प्रवेशद्वारावर चमकणाऱ्या झुंबरांची झलक आणि लाइट्स दिसत आहेत. व्हिडिओची सुरुवात तापसी आणि मथियासच्या सुंदर फोटोनं होते. या जोडप्याचा हा फोटो बीचवर क्लिक केला गेला आहे. आता अनेकांना या लग्नामधील फोटो पाहण्याची इच्छा असल्याची प्रतिक्रिया या व्हिडिओवर देत आहेत. एका मुलाखतीत तापसीला तिच्या लग्नाबद्दल विचारण्यात आलं होतं, तेव्हा तिनं लग्न झाल्याचं कबूल केलं होत. याशिवाय ती तिच्या लग्नामधील फोटो कधीपण शेअर करू शकते, असं तिनं सांगितलं होत.
तापसी पन्नू केलं उदयपूरमध्ये लग्न : तापसी आणि मॅथियासचा उदयपूर विवाह हा झाला असून या लग्नात फक्त जवळचे मित्र आणि कुटुंबीय उपस्थित होते. काही सेलिब्रिटी पाहुण्यांमध्ये तापसीचा सहकलाकार पावेल गुलाटी आणि लेखिका-निर्माता कनिका धिल्लन यांचा देखील समावेश होता. दरम्यान बॅडमिंटन जगतातील काही सेलिब्रिटींनीही या लग्नाला हजेरी होते. तापसी पन्नूच्या वर्कफ्रंटबद्दल बोलायचं झालं तर ती तिच्या 'हसीन दिलरुबा' या चित्रपटाच्या सीक्वेलची तयारी करत आहे. याशिवाय ती 'वो लड़की है कहाँ?' या चित्रपटाची शूटिंगमध्ये सध्या व्यग्र आहे. तसेच ती 'खेल खेल में' या चित्रपटामध्ये दिसणार आहे. सध्या हा चित्रपट खूप चर्चेत आहे.
हेही वाचा :
- पुष्पा चक्रीवादळाचा उद्रेक होणार : करण जोहरनं 'पुष्पा पुष्पा' गाण्यातील अल्लू अर्जुनच्या अभिनयाचं केलं कौतुक - Pushpa song
- छोट्या मुलानं आंटी म्हटल्यावर माधुरी दीक्षितनं दिली 'ही' प्रतिक्रिया - Madhuri Dixit
- अल्लू अर्जुन स्टारर 'पुष्पा-द रुल'मधील पहिलं गाणं 'पुष्पा पुष्पा' रिलीज, पाहा व्हिडिओ - First song Pushpa Pushpa Released
