मुंबई : बॉलिवूड अभिनेता सोनू सूदच्या 'फतेह' चित्रपटाचा टीझर रिलीज झाला आहे. या चित्रपटात सोनूनं मुख्य भूमिका साकारली असून याचे दिग्दर्शनही केलंय. या चित्रपटाच्या टीझरमध्ये सोनू फुल ॲक्शन मोडमध्ये दिसत आहे. 'फतेह' चित्रपटाच्या टीझरमध्ये खूप ॲक्शन पाहायला मिळत आहे. टीझरवरून कहाणीबद्दल जाणून घेणं अवघड असलं, तरी सोनू सूदचा हा चित्रपट सायबर गुन्ह्याविरोधात असणार असल्याचं दिसून येत आहे. आता हा टीझर सोनू सूदच्या अनेक चाहत्यांना आवडत आहेत.
कसा आहे टीझर? : 'फतेह'च्या टीझरची सुरुवात सोनू सूदच्या डायलॉगनं होते. यात तो म्हणतो, "तुम्ही एकाला मारले तर, तुम्ही गुन्हेगार, हजार मारले तर तुम्ही राजा आहात, मी मोजत असलेली संख्या त्यापेक्षा जास्त होती." टीझरमध्ये ,सोनू अनेकांना मारताना दिसत आहे. या चित्रपटामध्ये सोनू सूदबरोबर प्रमुख भूमिकेत जॅकलिन फर्नांडिस दिसणार आहे. टीझरमध्ये पुढं जॅकलिन विचारते, "फतेह तू करतो काय? " यावर सोनू सूद म्हणतो- "प्रत्येकाला माझ्याबद्दल माहित करून घ्यायचं आहे." या चित्रपटाची निर्मिती सोनाली सूद आणि सोनू सूद यांनी केली आहे. 'फतेह' हा चित्रपट 10 जानेवारी 2025 रोजी रुपेरी पडद्यावर रिलीज होणार आहे. या चित्रपटातून सोनू सूद लेखन आणि दिग्दर्शनात हात आजमावणार आहे. हा त्याचा पहिलाच दिग्दर्शकीय चित्रपट आहे.
'फतेह'चं दिग्दर्शन : सोनू सूदनं 'फतेह'च्या टीझर रिलीजबद्दल एका मुलाखतीत म्हटलं, "गेल्या काही वर्षांत मला प्रेक्षकांकडून मिळालेल्या प्रेमामुळे, मी आनंदी आहे. 'फतेह'साठी मला हेच प्रेम पाहिजे आहे. 'फतेह' चित्रपटाचा टीझर रिलीज झाला आहे आणि तो माझ्यासाठी खूप खास आहे, कारण मी त्याचे दिग्दर्शनही केलंय. यासोबतच, आपण सायबर गुन्ह्याला खूप कमी लेखतो अशा धोक्याविरुद्ध यात आवाज उठवला गेला आहे." 'हॅप्पी न्यू इयर', 'दबंग' आणि 'कुंग फू योगा' यांसारख्या चित्रपटांमध्ये आपल्या अभिनय कौशल्य दाखवणाऱ्या सोनूनं कोविड 19 दरम्यान हजारो स्थलांतरितांना त्यांच्या घरी पोहोचवले होते. यानंतर त्याचे देशात आणि जगात खूप कौतुक झाले होते. आता देखील अनेकजण सोनू सूदला अनेकदा मदत मागतात. याशिवाय आता त्याचे चाहते त्याच्या आगामी चित्रपटाबद्दल उत्सुक आहेत.
हेही वाचा :
