मुंबई - Sonakshi Sinha Wedding : शत्रुघ्न सिन्हा यांचा मुंबईतील 'रामायण' हा बंगला लेक सोनाक्षीच्या लग्नाच्या निमित्तानं सजला आहे. सोनाक्षी सिन्हा आणि तिचा बॉयफ्रेंड झहीर इक्बाल उद्या 23 जूनला लग्न करणार आहेत. सोनाक्षी सिन्हाचं घर दिव्यांनी उजळून निघाले असून तिच्या लग्नाची जय्यत तयारी सुरू आहे. काल सोनाक्षी सिन्हा आणि झहीर इक्बाल यांनी एकमेकांच्या कुटुंबियांच्या बरोबर रात्रीच्या जेवणाचा आस्वाद घेतला. यावेळी झहीर इक्बाल हा त्याचे भावी सासरे शत्रुघ्न सिन्हा यांच्याबरोबर दिसला. सोनाक्षी सिन्हा आणि झहीर इक्बालच्या लग्नाच्या जल्लोषाला सुरुवात झाली असून सोनाक्षी-इक्बालच्या मेहंदी सोहळ्याचे फोटोंनी सर्वांचं लक्ष वेधून घेतलं आहे.
सोनाक्षी सिन्हा आणि झहीर इक्बालचे अनेक मित्र मेहंदी सोहळ्याला उपस्थित होते. या जोडप्याच्या मित्रानं सोशल मीडियावर हा फोटो शेअर केला आहे. मेहंदीचा एक सुंदर फोटो देखील यामध्ये सामील केला आहे. मेहंदी सोहळ्याच्या या फोटोमध्ये सोनाक्षी आणि झहीर एकत्र उभे आहेत. सोनाक्षी सिन्हानं मरून रंगाचा ड्रेस घातला असून झहीर इक्बाल प्रिटेंट कुर्ता आणि पांढरा पायजम्यामध्ये दिसत आहे. इंस्टाग्रामवर पापाराझीनं पोस्ट केलेल्या व्हिडिओमध्ये सिन्हा यांच्या रामायण इमारतीला आकर्षक रोषणाई करण्यात आली होती. सोनाक्षीचे वडील शत्रुघ्न सिन्हा हे प्री-वेडिंग सेलिब्रेशन होस्ट करत आहेत.
सोनाक्षी सिन्हाचं घर दिव्यांनी उजळून निघालं
या सोहळ्याच्या प्रसंगी सोनाक्षी सिन्हाचं घर दिव्यांनी उजळून निघालं आहे. सोनाक्षी सिन्हाच्या घराचे फोटो आणि व्हिडिओ सोशल मीडियावर व्हायरल होत आहेत. विशेष म्हणजे सोनाक्षीचे काका तिच्या लग्नात सहभागी होण्यासाठी अमेरिकेहून रवाना झाले आहेत. शत्रुघ्न सिन्हा यांनीही आपण आपल्या मुलीच्या लग्नाबद्दलचा आपला उत्साह दाखवला होता. आधी सोनाक्षी झहीरच्या घरी रजिस्टर्ड मॅरेज करेल आणि त्यानंतर 23 जूनला शाही पद्धतीने लग्न करणार असल्याचं बोललं जात आहे. त्याचबरोबर या लग्नात सलमान खानच्या आगमनाबाबतही बरीच अटकळ बांधली जात आहे. आजकाल सलमान खान त्याच्या सिकंदर या अ‍ॅक्शन चित्रपटाचं शूटिंग करत आहे.
हेही वाचा -
- कल्की 2898 एडीच्या ट्रेलरमध्ये दिसली 'अंतिम युद्धा'ची झलक, ट्रेलरला अभूतपूर्व प्रतिसाद - Kalki 2898 AD trailer
- ईडीनं सील केलेल्या बंगल्यात सलमान खानचं वास्तव्य, आरटीआय अर्जामुळं महाबळेश्वरातून घेतला काढता पाय - Salman Khan leaves Mahabaleshwar
- "मी खरं बोललो तर अभय देओल तोंड दाखवायला जागा राहणार नाही" : अनुराग कश्यप - ANURAG KASHYAP ON PANKAJ JHA
