मुंबई - Sidharth Malhotra : अभिनेता सिद्धार्थ मल्होत्रा हा बॉलिवूडमधील देखणा स्टार आहे. त्याच्या करिअरच्या सुरुवातीपासूनच अनेक मुलींचा तो क्रश होता, मात्र आता सिद्धार्थचं लग्न झालय. गेल्या वर्षीच त्यानं अभिनेत्री कियारा अडवाणीशी लग्नगाठ बांधली. दरम्यान, सिद्धार्थचा एक व्हिडिओ मोठ्या प्रमाणात व्हायरल होत आहे. सिद्धार्थ हा शुक्रवारी 9 ऑगस्ट रोजी एका फॅशन इव्हेंटमध्ये गेला होता. यावेळी तो रॅम्पवर चालताना दिसला. यादरम्यान, सिद्धार्थ रॅम्पवर एका मॉडेलबरोबर आपल्या हॉट अंदाजात पोझ देताना दिसला. या व्हिडिओवर अनेक यूजर्सच्या मजेदार प्रतिक्रिया येत आहेत.
सिद्धार्थ मल्होत्राचा मॉडेलबरोबर व्हिडिओ व्हायरल : व्हिडिओमध्ये सिद्धार्थ रॅम्पवर उभा आहे आणि पोझ देत आहे, तेव्हा एक महिला मॉडेल त्याच्याजवळ येते आणि त्याची कॉलर धरून त्याला स्वतःकडे खेचते. यानंतर सिद्धार्थ या मॉडेलबरोबर छान पोझ देतो. यावेळी, सिद्धार्थ काळ्या रंगाच्या टक्सिडोमध्ये होता, तर मॉडेलनं सोनेरी चमकदार गाऊन परिधान केला होता. सिद्धार्थ मल्होत्राच्या या व्हिडीओवर एका यूजर्सन लिहिलं, " कियारा-सिद्धार्थ तू घरी ये तुला पाहून घेते." दुसऱ्या एकानं लिहिलं, "सिद्धार्थ हा अनकंफर्टेबल आणि नर्वस वाटत आहे." आणखी एकानं लिहिलं, "सीड कियाराचा घटस्फोट लोड होत आहे." याशिवाय अनेकजण या पोस्टच्या कमेंट विभागात हसतानाचे स्माईली इमोजी पोस्ट करत आहेत.
सिद्धार्थ आणि कियाराचं लग्न : सिद्धार्थ मल्होत्रा आणि कियारा अडवाणी यांनी एकमेकांना डेट केल्यानंतर फेब्रुवारी 2023 मध्ये राजस्थानमध्ये शाही पद्धतीनं लग्न केलं. या जोडप्याच्या लग्नामधील फोटो आणि व्हिडिओ सोशल मीडियावर व्हायरल झाले होते. यामध्ये दोघांची केमिस्ट्री चाहत्यांना खूप आवडली होती. सिद्धार्थ आणि कियाराच्या प्रेमकहाणीबद्दल बोलायचं झालं तर, 'शेरशाह' या सुपरहिट चित्रपटाच्या सेटवर हे जोडपं एकामेंकांच्या प्रेमात पडलं. दरम्यान सिद्धार्थ शेवटी 'योद्धा'मध्ये दिसला होता आणि कियारा अडवाणी ही 'सत्यप्रेम की कथा'मध्ये कार्तिक आर्यनबरोबर दिसली होती.
हेही वाचा :
- सिद्धार्थ मल्होत्राच्या चाहतीला 50 लाखाचा झटका, कियारा अडवाणीमुळे अभिनेत्याचा जीव धोक्यात - Sidharth Malhotra
- गोव्यातील व्हेकेशनमधील मित्र आणि मैत्रीणींसह सिद्धार्थ मल्होत्रा कियारा अडवाणीचा सुंदर फोटो व्हायरल - Sidharth Malhotra and Kiara Advani
- Kiara Advani :'योद्धा'मध्ये सिद्धार्थ मल्होत्राला पाहिल्यानंतर कियारा अडवाणी भावूक, चाहत्यांच्या व्हिडिओवर दिली प्रतिक्रिया
