मुंबई - Ramayana on Doordarshan : 1987 मध्ये सुरुवातीला टेलिव्हिजनचा पडदा गाजवलेली रामानंद सागर यांची रामायण ही पौराणिक मालिका पुन्हा टीव्हीवर झळकणार आहे. या प्रतिष्ठित मालिकेनं प्रेक्षकांच्या हृदयात आपले कायमचे स्थान निर्माण केले आहे. मनोरंजन उद्योगात या मालिकेला कल्ट क्लासिकचा दर्जा प्राप्त झाला आहे. या मालिकेला त्याच्या मूळ प्रसारणाच्या वेळी जबरदस्त प्रतिसाद मिळाला होता. ही मालिका भारतीय टेलिव्हिजनच्या इतिहासातील सर्वात लोकप्रिय पौराणिक मालिका म्हणून ओळखली जाते.
-
धर्म, प्रेम, और समर्पण की अद्वितीय गाथा...एक बार फिर आ रहा है पूरे भारत का सबसे लोकप्रिय शो 'रामायण', जल्द देखिए #DDNational पर। #Ramayan | @arungovil12 | @ChikhliaDipika | @LahriSunil pic.twitter.com/NR8LJ32qyL
— Doordarshan National दूरदर्शन नेशनल (@DDNational) January 31, 2024 " class="align-text-top noRightClick twitterSection" data="
">धर्म, प्रेम, और समर्पण की अद्वितीय गाथा...एक बार फिर आ रहा है पूरे भारत का सबसे लोकप्रिय शो 'रामायण', जल्द देखिए #DDNational पर। #Ramayan | @arungovil12 | @ChikhliaDipika | @LahriSunil pic.twitter.com/NR8LJ32qyL
— Doordarshan National दूरदर्शन नेशनल (@DDNational) January 31, 2024धर्म, प्रेम, और समर्पण की अद्वितीय गाथा...एक बार फिर आ रहा है पूरे भारत का सबसे लोकप्रिय शो 'रामायण', जल्द देखिए #DDNational पर। #Ramayan | @arungovil12 | @ChikhliaDipika | @LahriSunil pic.twitter.com/NR8LJ32qyL
— Doordarshan National दूरदर्शन नेशनल (@DDNational) January 31, 2024
दूरदर्शनने अधिकृतपणे रामानंद सागर यांच्या रामायणच्या पुन्हा प्रसारणाची घोषणा केली आहे. त्यांच्या अधिकृत X हँडलद्वारे करण्यात आलेल्या या खुलाशामुळे चाहत्यांमध्ये पुन्हा नव्याने उत्साह संचारल्याचं चित्र आहे. सोशल मीडियावर शेअर केलेली छोटी क्लिप धर्म, प्रेम आणि समर्पणाची अतुलनीय गाथा यांचा सारांश दाखवणारी आहे. या घोषणेने प्रेक्षक पुन्हा एकदा दूरदर्शनवर या प्रिय क्लासिकच्या पुनरागमनाची आतुरतेने प्रतीक्षा करण्यास भाग पाडले आहे. नुकताच उत्तर प्रदेशातील अयोध्येत राममंदिर प्राणप्रतिष्ठा सोहळा उत्साहात पार पडला. या निमित्ताने देशभर रामभक्तीचे वातावरण निर्माण झाले आहे. यामुळे या पौराणिक कलाकृतीचे पुन:प्रक्षेपण प्रेक्षकांच्या पसंतीस उतरेल अशी अपेक्षा आहे.
टेलिकास्टची तारीख अद्याप जाहीर झालेली नसली तरी या महाकाव्य गाथेमध्ये कलाकारांची उत्कृष्ट टीम आहे याची जाणीव प्रेक्षकांना आहे. यामध्ये भगवान राम म्हणून अरुण गोविल, माता सीता म्हणून दीपिका चिखलिया आणि लक्ष्मणच्या भूमिकेत सुनील लाहिरी आहेत. हनुमानाच्या भूमिकेत स्वर्गीय दारा सिंग आणि रावणाच्या भूमिकेत स्वर्गीय अरविंद त्रिवेदी यांच्या उल्लेखनीय योगदानांनी कथा आणखी समृद्ध झाली आहे.
2020 मध्ये लॉकडाऊनच्या कालावधीत ही रामायण मालिका दूरदर्शनवर प्रसारित झाली होती. त्यावेळी तमाम प्रेक्षकांनी या मालिकेचा पुन्हा एकदैा आनंद घेतला होता. आता पुन्हा एकदा प्रेक्षक रामानंद सागरच्या रामायणाच्या पुनरागमनाची आतुरतेने वाट पाहत आहेत. या मालिकेचे पुन्हा एकदा प्रसारण प्रेक्षकांना गतकाळाच्या आठवणीतील रामायणाच्या प्रसारण आनंदाची पुन्हा एकदा अनुभूती देऊ शकेल.
हेही वाचा -
