मुंबई - Adil Khan and Somi Khan Wedding : 'मोस्ट कॉन्ट्रोव्हर्शियल क्वीन' राखी सावंतचा पूर्वाश्रमीचा पती आणि उद्योगपती आदिल खान दुर्रानीनं पुन्हा एकदा लग्न केलं आहे. आदिलनं जयपूरमध्ये गुपचूप लग्न केल्याचं आता समजत आहे. आदिलनं ज्या मुलीशी लग्न केलं तिचा थेट संबंध सलमान खानशी देखील आहे. आदिलनं 2022 मध्ये राखी सावंतबरोबर लग्न केलं होतं. यानंतर त्याचं नात फार काळ टिकू शकलं नाही. राखी सावंतनं आदिलवर अनेक आरोप केले होते. हे आरोप इतके गंभीर होते की, त्याला तुरूंगातही जावं लागलं होत. यानंतर काही दिवसानंतर आदिलची सुटका झाली.
आदिल खाननं सोमी खानशी 'बिग बॉस 12' फेम केलं लग्न : आदिल खानच्या दुसऱ्या लग्नाबद्दल बोलायचं झालं तर त्यानं 'बिग बॉस 12' फेम सोमी खानशी लग्न केलं आहे. सोमीनं 'बिग बॉस 12'मध्ये एक सामान्य स्पर्धक म्हणून प्रवेश केला होता. 'बिग बॉस 12'मध्ये सोमीबरोबर तिची मोठी बहीण सबा खान देखील स्पर्धक म्हणून आली होती. सोमी आणि सबा जयपूरमधील आहे. आता सध्या या आपापल्या करिअरवर लक्ष केंद्रित करत आहेत. आदिल आणि सोमीनं त्यांच्या लग्नाच्या वृत्तावर काहीही विधान सध्या केलेले नाहीत. मात्र आता आदिल आणि सोमीच्या लग्नाच्या बातम्या सोशल मीडियावर खूप वेगानं पसरत आहे.
गुप्तपणे झालं लग्न : आदिल आणि सोमीच्या गुप्त लग्नाची माहिती कोणालाही पडू नये म्हणून यावर दोघांनीही मौन बाळगला आहे. मागील वर्षी राखी सावंत आणि आदिल खान यांनी त्यांच्या लग्नाबद्दल खुलासा हा मे 2022 मध्ये केला होता. आदिल आणि राखीच्या लग्नाचे फोटो सोशल मीडियावर व्हायरल झाले आणि दोघांनीही पुढे येऊन लग्नाचा स्वीकार केला. या लग्नामुळे राखी आणि आदिलला कोर्टातही जावे लागलं होत. आदिलचं नाव यापूर्वी शर्लिन चोप्राबरोबर जोडलं गेलं होतं. अनेकदा दोघेही एकत्र दिसत असल्यानं दोघेही लग्न करणार असल्याच्या चर्चा सोशल मीडियावर सुरू झाल्या होत्या. शर्लिन चोप्रानं देखील राखीवर अनेक आरोप केले आहेत. आता आदिलच्या दुसऱ्या लग्नावर राखीची काय प्रतिक्रिया येणार हे पाहणं खूप मनोरंजक असेल.
हेही वाचा :
