उत्तर भारतात पुन्हा झळकला 'पुष्पा 2', PVR बरोबरचा वाद मिटला, 1500 कोटींचा टप्पाही झाला पार

उत्तर भारतातील चित्रपटगृहांमधून 'पुष्पा 2' हटवण्यात आला होता. जाणून घ्या काय होता या समस्येवर निघालेला तोडगा.

मुंबई - साऊथचा सुपरस्टार अल्लू अर्जुन आणि रश्मिका मंदान्ना स्टारर चित्रपट 'पुष्पा 2 द रुल' सध्या बॉक्स ऑफिसवर धूमाकुळ घालत आहे. 'पुष्पा 2' नं केवळ दोन आठवड्यात 1500 कोटींचा व्यवसाय करून बॉक्स ऑफिसवर इतिहास रचला आहे. आश्चर्याची गोष्ट म्हणजे 'पुष्पा 2' तेलगू भाषेत कमी आणि हिंदी पट्ट्यात जास्त कमाई करत आहे. दरम्यान, उत्तर भारतातील थिएटर्समधून हा चित्रपट उतरवण्यात आला होता.

BREAKING: Pushpa 2⃣ REMOVED✖️ from all PVR INOX chains in North India from Tomorrow.

— Manobala Vijayabalan (@ManobalaV) December 19, 2024

'पुष्पा 2' ला दाक्षिणात्य भाषातून जितका प्रतिसाद मिळाला त्याहून कितीतरी पटीनं हिंदी भाषिक राज्यातूनही मिळाला. असा प्रतिसाद मिळवणारा हा पहिलाच चित्रपट ठरला आहे. या चित्रपटानं हिंदीमध्ये 600 कोटींहून अधिक कमाई केली आहे. तर मग उत्तर भारतातील थिएटर्समधून सिनेमा का काढवा लागला होता, हे जाणून घेऊयात.

BREAKING: Pushpa 2️⃣ PVR INOX agreement issue now resolved✅

Shows opening slowly one by one⏳

— Manobala Vijayabalan (@ManobalaV) December 19, 2024

उत्तर भारतात 'पुष्पा 2' का थांबला?

मीडियात आलेल्या बातम्यांनुसार, अलीकडेच चित्रपटाच्या निर्मात्यांचा पीव्हीआर आयनॉक्सशी वाद झाला होता. त्यानंतर या थिएटर चेननं संपूर्ण उत्तर भारतातून चित्रपट काढून टाकण्याचा निर्णय घेतला. चित्रपट व्यवसायातील एका विश्लेषकानं सांगितलं की, 'पुष्पा 2' काल रात्री उत्तर भारतातील सर्व पीव्हीआर, आयनॉक्स थिएटर्समधून काढून टाकण्यात आला. यानंतर 'पुष्पा 2' च्या चाहत्यांमध्ये गोंधळाचं वातावरण निर्माण झालं.

COMMERCIAL CINEMA REDEFINED 🔥

HISTORY MADE AT THE BOX OFFICE 💥💥#Pushpa2TheRule collects 1508 CRORES GROSS WORLDWIDE - the fastest Indian Film to reach the mark ❤‍🔥#Pushpa2HitsFastest1500cr

Book your tickets now!
🎟️ https://t.co/tHogUVEOs1#Pushpa2#WildFirePushpa… pic.twitter.com/pBVENm1kDq

— Mythri Movie Makers (@MythriOfficial) December 19, 2024

चित्रपट व्यापार विश्लेषक मनोबाला विजयबालन यांनी त्यांच्या दुसऱ्या पोस्टमध्ये म्हटलं आहे की 'पुष्पा 2' आणि पीव्हीआर आयनॉक्स या चित्रपटाच्या निर्मात्यांमधील वाद संपुष्टात आला आहे आणि हा चित्रपट आता हळूहळू उत्तर भारतातील चित्रपटगृहांमध्ये प्रदर्शित होणार आहे. दरम्यान, 'पुष्पा 2' नं बॉक्स ऑफिसवर जबरदस्त कमाई केली आहे. या सिनेमानं बॉक्स ऑफिसवर आपले 15 दिवस पूर्ण केले आहेत. या 15 दिवसांत पुष्पा 2 नं जगभरात 1500 कोटींहून अधिक आणि भारतात 990 कोटी रुपयांचा व्यवसाय केला आहे.

हेही वाचा -