मुंबई - Ramoji Rao Demise : साऊथ अभिनेता विजय सेतुपतीचा 'महाराजा' चित्रपट 50वा आहे. यानिमित्त पत्रकार परिषद नुकतीच चेन्नई येथील प्रसाद स्टुडिओ, साळीग्राम येथे पार पडली. हा चित्रपट निथिलन समीनाथन यांनी दिग्दर्शित केला आहे. पेसन स्टुडिओनं या चित्रपटाची निर्मिती केली आहे. दरम्यान रामोजी ग्रुपचे संस्थापक दिवंगत रामोजी राव यांचं 8 जून रोजी निधन झालं. आज 9 जून रोजी रामोजी फिल्म सिटीमध्ये त्याच्यावर अंत्यसंस्कार करण्यात आला. विजय सेतुपती 'महाराजा' चित्रपटाची पत्रकार परिषद सुरू असताना मौन राहून त्यांना श्रद्धांजली वाहिली आहे. मंचावर बोलताना विजय सेतुपती म्हटलं, "रामोजी राव यांच्या निधनानं खूप दुःख झालं. मी त्यांना जवळून ओळखत नव्हतो. पण मी 'पुडुपेट' या चित्रपटासाठी रामोजी फिल्मसिटीमध्ये गेलो होतो.
विजय सेतुपती केला शोक व्यक्त : पुढं त्यानं सांगितलं, "त्याच्या सेटवर सर्व काही आहे. तिथे हिल रिज, एअरपोर्ट, शूटिंगसाठी लागणारे सर्व काही पाहिला मिळेल. चित्रपट बनवण्यासाठी तिथे राहणेही सोपे होते. तिथे कशाचेही टेन्शन नाही. मी रामोजी राव यांच्या काही सेटवर देखील झोपलो आहे. रामोजी फिल्म सिटीमधून मला खूप काही शिकायला मिळाले. त्याचा मृत्यू अत्यंत वेदनादायक आहे. त्यांनी खूप लोकांच्या कल्पनेला आकार दिला, त्यांच्या आत्म्याला शांती लाभो." रामोजी राव यांच्या निधनावर साऊथपासून ते बॉलिवूडपर्यंतच्या स्टार्सनी शोक व्यक्त केला आहे. अल्लू अर्जुन, रजनीकांत, राम चरण, एसएस राजामौली, कंगना रणौत, रितेश-जेनेलिया देशमुख, पीएम मोदी, एन चंद्राबाबू नायडू यांसारख्या सेलिब्रिटींनी त्यांच्या निधनावर शोक व्यक्त करून पोस्ट शेअर करत त्यांना श्रद्धांजली वाहिली आहे.
वर्कफ्रंट : रामोजी राव यांच्या पार्थिवावर आज रामोजी फिल्म सिटीमध्ये अंत्यसंस्कार करण्यात आल्यानंतर तेलंगणा सरकार आणि आंध्र प्रदेश सरकारनं रविवारी आणि सोमवारी राज्याचा शोक जाहीर केलाय. अंत्यसंस्काराच्या वेळी आंध्र प्रदेशचे दिग्गज नेते आणि भावी मुख्यमंत्री चंद्राबाबू नायडू उपस्थित होते. दरम्यान विजय सेतुपतीच्या वर्कफ्रंटबद्दल बोलायचं झालं तर तो शेवटी कतरिना कैफबरोबर 'मेरी ख्रिसमस ' या चित्रपटामध्ये दिसला होता. हा चित्रपट बॉक्स ऑफिसवर चांगली कामगिरी करू शकला नाही. आता पुढं तो 'ट्रेन', 'गांधी टॉक्स' आणि 'इदम पोरुल इवल' या चित्रपटांमध्ये दिसणार आहे.
हेही वाचा :
