मुंबई- Kamal Haasan First Look Poster: प्रभास स्टारर 'कल्की 2898 एडी' हा चित्रपट उद्या जगभरातील चित्रपटगृहांमध्ये प्रदर्शित होत आहे. या चित्रपटात प्रभास आणि साऊथचा सुपरस्टार कमल हासन यांच्यात मोठी लढत पाहायला मिळणार आहे. 'कल्की 2898 एडी'मध्ये कमल हासन खलनायकाच्या भूमिकेत दिसेल. या चित्रपटाच्या ट्रेलरमध्ये कमल हासनचा खलनायकाचा लूक चाहत्यांना आश्चर्यचकित करणारा आहे. 'कल्की 2898 एडी' चित्रपटामध्ये हासन यांचा एक वेगळा अंदाज चाहत्यांना पाहायला मिळेल. आता या चित्रपटाच्या एक दिवस रिलीज आधी निर्मात्यांनी कमल हासनचं फर्स्ट लूक पोस्टर रिलीज करून चाहत्यांना सुंदर भेट दिली आहे.
कमल हासनचं फर्स्ट लूक पोस्टर रिलीज : आज, 26 जून रोजी, 'कल्की 2898 एडी'च्या निर्मात्यांनी त्यांच्या अधिकृत इंस्टाग्राम अकाउंटवर कमल हासनचं फर्स्ट लूक पोस्टर रिलीज करत लिहिलं,"हा सुप्रीम यास्किन आहे, चित्रपटाच्या रिलीजसाठी एक दिवस बाकी आहे." कमल हासन त्याच्या फर्स्ट लूक पोस्टरमध्ये अतिशय विचित्र व्यक्तीच्या रुपात दिसत आहे. रिपोर्टनुसार यास्किनच्या (कमल हसन) बॉडीचा आपोआप मृत्यू होत राहत असतो आणि त्याला त्याच्या शरीराची देखभाल करण्यासाठी काही लोकांच्या शरीराची आवश्यकता असते. यास्किन आणि कल्की (प्रभास) यांच्यातील युद्धात अमिताभ बच्चन अश्वत्थामाच्या भूमिकेत प्रभासला साथ देताना दिसेल.
'कल्की 2898 एडी' स्टारकास्ट : दीपिका पदुकोण तिच्या गर्भातून कल्कीला जन्म देईल, जी यास्किनला नष्ट करणार असल्याचं बोललं जात आहे. हा चित्रपट उद्या म्हणजेच 27 जून रोजी प्रदर्शित होत आहे. आता हा चित्रपट पाहण्यासाठी अनेकजण उत्सुक आहेत. या चित्रपटामध्ये प्रभास ,दीपिका पदुकोण, अमिताभ बच्चन आणि कमल हासन व्यतिरिक्त डलकर सलमान, दिशा पटानी, राणा डग्गुबती, किर्ती सुरेश, ब्रह्मानंदम आणि गौरव चोप्रा हे कलाकार दिसणार आहेत. हा चित्रपट 600 कोटीच्या बजेटमध्ये तयार करण्यात आला आहे. या चित्रपटाचं दिग्दर्शन नाग अश्विन यांनी केलंय. या चित्रपटाला संगीत संतोष नारायणन यांनी दिलंय.
हेही वाचा :
