मुंबई- Kalki 2898 AD Plagiarism : साउथ सुपरस्टार प्रभास स्टारर मोस्ट अवेटेड चित्रपट 'कल्की 2898 एडी' रिलीज होण्याआधीच वादात अडकलेला दिसत आहे. हा चित्रपट 27 जून रोजी रुपेरी पडद्यावर प्रदर्शित होत आहे. आता 'कल्की 2898 एडी' या चित्रपटावर हॉलिवूड चित्रपटामधील आर्ट वर्क चोरी केल्याचा आरोप करण्यात आला आहे. हॉलिवूड चित्रपटांसाठी आर्ट वर्क करणारे प्रसिद्ध संग चोईनं 'कल्की 2898 एडी'च्या निर्मात्यांनी परवानगीशिवाय त्याचे आर्ट वर्क कॉपी केल्याचा आरोप केला आहे. संग चोईनं अलीकडील अनेक हॉलिवूड चित्रपटासाठी आर्ट वर्क केलं आहे. त्यांनी 'ड्यून और मैड मैक्स: फ्यूरी रोड' या हॉलिवूड चित्रपटासाठी काम केलं होतं.
'कल्की 2898 एडी' वादात अडकला : संग चोईनं 'ड्यून और मैड मैक्स: फ्यूरी रोड' या चित्रपटामध्ये जे आर्ट वर्क केलं आहे तेच, 'कल्की 2898 एडी'मध्ये पाहायला मिळत असल्याचा आरोप त्यांनी केल्यानंतर आता पुन्हा एकदा हा चित्रपट वादात सापडला आहे. संग चोईनं 'कल्कि 2898 एडी'च्या निर्मात्यांवर प्लेगरिज्मचा आरोप केल्यावर चित्रपटाच्या रिलीजवर परिणाम होऊ शकतो, असा अंदाज अनेकजण लावत आहेत. 'कल्कि 2898 एडी' चित्रपटाचा ट्रेलर रिलीज झाला तेव्हा त्याची तुलना 'ड्यून और मैड मैक्स: फ्यूरी रोड' चित्रपटाशीही करण्यात आली होती. संग चोई हे सुपरहिरो चित्रपट निर्माते मार्वल स्टुडिओ, डिस्ने आणि वॉर्नर ब्रदर्ससाठी काम करतात.
'कल्कि 2898 एडी'चा ट्रेलर : संग चोईनं 'कल्कि 2898 एडी'चा ट्रेलर पाहिला तेव्हा त्यांना धक्का बसला. या संदर्भात संग चोईनं त्याच्या सोशल मीडिया अकाउंटवर एक पोस्ट शेअर केली आहे. या पोस्टमध्ये त्यांनी दोन फोटो शेअर केले आहेत, जे दिसायला सारखे आहेत. पहिला फोटो संग चोई यांच्या आर्ट वर्कचा आहे. हा फोटो त्यांनी 10 वर्षांपूर्वी तयार केला होता. ही पोस्ट शेअर करत संग चोईनं लिहिले आहे की, "माझं आर्ट वर्क परवानगीशिवाय घेणे आणि कॉपी करणे चुकीचे आहे, या वाईट वातावरणात आर्ट वर्क करण्यावर मी कधी कधी प्रश्न उपस्थित करत असतो." आता संग चोई यांच्या या पोस्टवर अनेकजण कमेंट्स करून त्यांना पाठिंबा देत आहेत.
हेही वाचा :
