मुंबई - क्रिती सेनॉन, काजोल आणि शाहीर शेख स्टारर 'दो पत्ती' हा चित्रपट सध्या चर्चेत आहे. काल रात्री 11 नोव्हेंबर रोजी मुंबईत 'दो पत्ती'च्या सक्सेस पार्टीचे आयोजन करण्यात आले होते. या पार्टीत अनेक स्टार्स आपल्या ग्लॅमर अंदाजात आले होते. या चित्रपटात क्रितीनं दुहेरी भूमिका साकारली आहे. याशिवाय या चित्रपटात काजोल आणि शाहीर शेख यांच्याही महत्त्वाच्या भूमिका आहेत. 'दो पत्ती' हा चित्रपट नेटफ्लिक्सवर 25 ऑक्टोबर 2024 प्रदर्शित झाला आहे. क्रितीचा हा चित्रपट आता अनेकांना आवडत आहे. 'दो पत्ती'च्या यशादरम्यान, चित्रपट निर्मात्यांनी एका आलिशान रेस्टॉरंटमध्ये चित्रपटाच्या स्टार्स कास्टबरोबर पार्टी केली.
'दो पत्ती' चित्रपटाची सक्सेस पार्टी : या पार्टीमध्ये क्रिती सेनॉन, तमन्ना भाटिया आणि रकुल प्रीत सिंह यांच्यासह अनेक स्टार्स उपस्थित होते. यावेळी, क्रितीनं हॉल्टर नेक असलेल्या काळ्या रंगाच्या मिनी ड्रेस परिधान केला होता. यात ती खूप देखणी दिसत होती. याशिवाय तिनं यावर हाय हिल्स घातली होती. या लूकवर तिनं आपले केस मोकळे सोडले होते. आता या पार्टीमधील सोशल मीडियावर अनेक व्हिडिओ आणि फोटो व्हायरल झाले आहेत. क्रितीच्या व्हायरल झालेल्या फोटोवर अनेकजण आपल्या प्रतिक्रिया देऊन तिचे कौतुक करत आहेत. याशिवाय काहीजण या पोस्टवर हार्ट आणि फायर इमोजी पोस्ट करत आहेत.
क्रिती सेनॉनचे आगामी चित्रपट : 'दो पट्टी' या चित्रपटात दोन जुळ्या बहिणी एकाच माणसावर प्रेम करतात. त्यानंतर दोघी बहिणीमध्ये खूप संघर्ष पाहायला मिळतो. 'दो पत्ती' चित्रपटाचं दिग्दर्शन शशांक चतुर्वेदी यांनी केलं आहे. या चित्रपटाची निर्मिती कनिका ढिल्लनच्या कथा पिक्चर्स आणि क्रिती सेनॉनच्या ब्लू बटरफ्लाय फिल्म्स यांनी केली आहे. 'दो पट्टी' चित्रपटाचा रनटाईम 127 मिनिटांचा आहे. दरम्यान क्रिती सेनॉनच्या वर्कफ्रंटबद्दल बोलायचं झालं तर ती पुढं 'हॉउसफुल 5', 'भेडिया 2' आणि किल बिल'च्या हिंदी रीमेकमध्ये दिसणार आहे.
हेही वाचा :
