मुंबई - VIRAL VIDEO : बॉलिवूडचा खिलाडी अक्षय कुमार सध्या त्याच्या नुकत्याच प्रदर्शित झालेल्या 'सरफिरा' या चित्रपटामुळे चर्चेत आहे. 'सरफिरा' हा चित्रपट रुपेरी पडद्यावर 12 जुलै रोजी प्रदर्शित झाला होता. दरम्यान साऊथचा सुपरस्टार कमल हासनचा 'इंडियन 2' हा चित्रपटही बॉक्स ऑफिसवर धुमाकूळ घालत आहे. गेल्या पाच दिवसांपासून बॉक्स ऑफिसवर कमाईसाठी दोन्ही चित्रपटांमध्ये स्पर्धा सुरू आहेत. आता सोशल मीडियावर एक व्हिडिओ व्हायरल होत आहे. या व्हिडिओमध्ये अक्षय कुमार एका स्टंटमनचा जीव वाचवताना दिसत आहे. हा व्हिडिओ सोशल मीडियावर प्रचंड व्हायरल झाला आहे. या व्हिडिओतील अक्षय कुमारचे शौर्य पाहून चाहते त्याचे कौतुक करत आहेत.
Akshay kumar literally saved a Guy from any injury during shooting of Kapil Sharma Show
— Ghar Ke Kalesh (@gharkekalesh) July 16, 2024
pic.twitter.com/0DRlcnY8i8
अक्षयनं वाचवले स्टंटमनचे प्राण : सोशल मीडियावर व्हायरल झालेल्या क्लिपमध्ये 'द कपिल शर्मा शो'मध्ये कॉमेडियन आणि अभिनेता अली अजगर आणि त्याच्याबरोबर दोरीनं बांधून हवेत लटकत असलेला माणूस हा अचानक बेशुद्ध होऊन दोरीवर पडतो. तो तसाच हवेत लटकत राहतो. हे पाहून अली अजगर पूर्णपणे हादरतो आणि त्याचवेळी अक्षय कुमार आणि संपूर्ण क्रू टीम त्याचा जीव वाचवण्यासाठी पोहोचतात. अक्षय प्रथम या व्यक्तीचे डोके पकडतो आणि त्याला शुद्धीवर आणतो. मग हळूहळू त्याला खाली उतरवतो. अक्षय कुमारच्या या धाडसामुळे त्याचे चाहते त्याला खिलाडी कुमार म्हणत आहेत.
During Kapil Sharma Show Shooting Akshay Kumar Save Life 😳 pic.twitter.com/vQZ1ddoWy3
— Prof cheems ॐ (@Prof_Cheems) July 16, 2024
हाच खरा खिलाडी : एका चाहत्यानं या व्हिडिओवर लिहिलं आहे की, "खिलाडी भैया, कोणताही अभिनेता असा जीव वाचवू शकत नाही, पण अक्षय खूप काळजी घेणारा आहे." दुसरा एका चाहत्यानं लिहिलं, "याला ब्रेन वापरणे म्हणतात, चांगलं अक्की." हा व्हिडिओ जवळपास पाच वर्षे जुना आहे, जो पुन्हा एकदा सोशल मीडियावर व्हायरल होत आहे. याशिवाय काहीजण या व्हिडिओवर हार्ट आणि फायर इमोजी हे पोस्ट करत आहेत. दरम्यान अक्षय कुमारच्या वर्कफ्रंटबद्दल बोलायचं झालं तर तो पुढं 'धूम 4', 'राऊडी राठोड 2', 'जॉली एलएलबी 3', 'हाऊसफुल्ल 5', 'स्काय फोर्स', 'खेल खेल में', 'सिंघम अगेन' आणि 'वेल्कम टू द जंगल' या चित्रपटांमध्ये दिसणार आहेत.
हेही वाचा :
