कोलकाता बलात्कार खून प्रकरणानंतर अर्जुन कपूरनं रक्षाबंधननिमित्त पुरुषांना दिला संदेश - Raksha Bandhan 2024

Arjun Kapoor : कोलकाता बलात्कार-हत्या प्रकरणाबाबत देशात शोक व्यक्त केला जात आहे. याप्रकरणी अर्जुन कपूरही खूप दु:खी झाला आहे. रक्षाबंधननिमित्त त्यानं पुरुषांसाठी महिलांच्या सुरक्षेशी संबंधित संदेश दिला आहे.

मुंबई - Arjun Kapoor : रक्षाबंधन हा सण प्रत्येक बहिण आणि भावासाठी खूप महत्वाचा आहे. रक्षाबंधनानिमित्त अर्जुन कपूरनं एक विशेष संदेश दिला आहे. दरम्यान कोलकाता येथे ट्रेनी डॉक्टरचा बलात्कार आणि हत्या प्रकरण झाल्यानंतर देशात एक खळबळ उडाली आहे. याप्रकरणी बॉलिवूड सेलिब्रिटीही सातत्यानं आपल्या प्रतिक्रिया देत आहेत.कोलकाता येथील गंभीर घटनेनंतर देशातील प्रत्येक व्यक्ती न्यायाची मागणी करत आहेत. याप्रकरणी अर्जुन कपूरनेही आपली प्रतिक्रिया सोशल मीडियाच्या माध्यामातून दिली आहे. त्यानं रक्षाबंधनाच्या निमित्तानं महिलांच्या सुरक्षेबाबत काही विशेष गोष्टी सांगितल्या. अर्जुन कपूरनं आपला एक व्हिडिओ इंस्टाग्रामवर शेअर केला आहे.

View this post on Instagram

A post shared by Arjun Kapoor (@arjunkapoor)

रक्षाबंधननिमित्त अर्जुन कपूरचा संदेश : अर्जुननं रक्षाबंधन हा सण महिलांच्या सुरक्षेशी संबंधित असल्याचं म्हटलं. शेअर केलेल्या व्हिडिओ त्यानं म्हटलं, "मी माझ्या बहिणींबरोबर रक्षाबंधन सण साजरा करणार आहे. देशात जे काही घडत आहे अशात सण साजरा करणे हे विचित्र वाटत आहे. आपल्या बहिणींचे रक्षण करणे, आपल्या आयुष्यात असणाऱ्या महिलांचे रक्षण करणे. तसेच ज्या महिलांबरोबर तुम्ही प्रेम करत आहात त्यांची काळजी घेणं आवश्यक आहे. अनेक पुरुषांमध्ये मूलभूत समज आणि शिक्षणाचा अभाव आपण समाजात पाहू शकतो. जेव्हा आपण रक्षाबंधन सण साजरा करतो, तेव्हा आपण भाऊ असल्याबद्दल, काळजी घेण्याबद्दल बोलत असतो. आपल्या सर्व बहिणी भावाशिवाय फिरू शकेल, असे सुरक्षित वातावरण कसे बनवायचे हे आपल्याला का शिकवले जात नाही? पुरुषांनी शिकले पाहिजे की महिला सुरक्षित कशाप्रकारे राहणार."

पुरुषांना दिला अर्जुन कपूरनं सल्ला : यानंतर त्यानं पुढं म्हटलं, "हा एक मोठा संवाद आहे. आपल्या इको-सिस्टीममध्ये भरपूर संभाषण आणि बरीच मूलभूत समज असणे आवश्यक आहे." मला माहित नाही की यामुळे लोकांच्या वागण्याच्या पद्धतीत किती बदल होईल. मात्र ही गोष्ट माझ्या मनात खूप दिवसांपासून सुरू आहे. तुम्ही नेहमी महिलांचं संरक्षण करायला पाहिजे. कधी कधी तुम्हाला वाटतं की लोकांना काही समजत नाही, यानंतर अशाप्रकरणी जास्त चर्चा देखील होत नाही. याप्रकरणानंतर काही लोकांवर परिणाम झाला आहे, हा संभाषणाचा प्रारंभ बिंदू आहे. एक भाऊ म्हणून आणि एक पुरुष म्हणून, मला वाटतं की आपण आपल्या आयुष्यात स्त्रियांकडे बघण्याचा दृष्टिकोन बदलायला पाहिजे." यानंतर त्यानं पुढं म्हटलं, "मला वाटतं, जर आपण आपल्या सभोवतालच्या महिला आणि मुलींना सुरक्षित फिल करून देऊ शकलो तर, हा एक मोठा धडा असेल. सुरक्षित वाटून त्यांना मजबूत आणि शक्तिशाली कसे बनवू शकतो, याबद्दल विचार करायला पाहिजे." दरम्यान अर्जुनच्या वर्कफ्रंटबद्दल बोलायचं झालं तर तो पुढं 'सिंघम अगेन'मध्ये या चित्रपटामध्ये दिसणार आहे.

हेही वाचा :