मुंबई : बॉलिवूड अभिनेता अजय देवगण आणि आमिर खान यांच्या चाहत्यांना एक आनंदाची बातमी मिळू शकते. शनिवारी संध्याकाळी दोन्ही स्टार्स ' तेरा यार हूं मैं ' या आगामी चित्रपटांच्या लाँचिंग इव्हेंटमध्ये पोहोचले होते. हा चित्रपट निर्माता इंद्र कुमार यांचा मुलगा अमन यांचा डेब्यू चित्रपट आहे. दरम्यानं लाँचिंग इव्हेंटमध्ये आमिर आणि अजयला एकत्र पाहून त्यांच्या चाहत्यांना खूप आनंद झाला. याशिवाय या कार्यक्रमामध्ये पापाराझींनी देखील या दोन कलाकारांचे सुंदर फोटो आपल्या कॅमेऱ्यात कैद केले. आमिर आणि अजयला खूप दिवसांनी एकत्र पाहून 27 वर्षांपूर्वी रिलीज झालेल्या 'इश्क' चित्रपटाची अनेकांना आठवण झाली. व्हायरल झालेल्या फोटोंच्या पोस्टवर अनेकजण या चित्रपटाच्या सीक्वेलची मागणी करत आहेत.
'इश्क' चित्रपटामधील आठवणी ताज्या : आमिर खान आणि अजय देवगण स्टारर 'इश्क' हा चित्रपट 1997 मध्ये रुपेरी पडद्यावर रिलीज झाला होता. या हिट रोमँटिक कॉमेडीमध्ये जूही चावला आणि काजोल यांनी देखील काम केलं होतं. हा चित्रपट लोकांना खूप आवडला होता. दरम्यान सोशल मीडियावर दोन्ही कलाकारांना एकत्र पाहताच 'इश्क 2'बद्दल प्रत्येकाच्या मनात प्रश्न निर्माण होऊ लागले आहेत. या दोघींनी पुन्हा एकदा मोठ्या पडद्यावर एकत्र यावं, अशी प्रत्येकाची इच्छा आहे. अजय आणि आमिर यांना एकत्र पाहताच पापाराझींनी 'इश्क 2'बद्दल प्रश्न विचारले. यावर या दोन्ही कलाकारांनी पुन्हा एकत्र काम करण्याची इच्छा व्यक्त केली.
'इश्क 2'वर अजय आणि आमिरचं विधान : या कार्यक्रमादरम्यान, अजय आणि आमिरनं 'इश्क'च्या सीक्वेलबद्दल चर्चा केली. आमिर यावेळी म्हटलं, "जेव्हाही मी अजयला भेटतो, तेव्हा मला खूप आनंद होतो. आम्ही फारसे भेटत नाही." दरम्यान, यावेळी अजयनं म्हटलं, "आम्ही 'इश्क'च्या सेटवर खूप मजा केली, दुसरा चित्रपट करायला हवा." यावर आमिरनं होकार देत म्हटलं, "हो नक्कीच हे करायला हवे." इश्क चित्रपटाच्या शूटिंगदरम्यान चिंपांझीनं त्याच्यावर हल्ला केला, तेव्हा अजय देवगणनं त्याला कसं वाचवलं, हेही आमिर खाननं यावेळी सांगितलं. याशिवाय या कार्यक्रमामध्ये 'तेरा यार हूं मैं' चित्रपटासाठी दोन्ही सुपरस्टार्सनी अमनला शुभेच्छा दिल्या. या चित्रपटात परेश रावल आणि आकांक्षा शर्मा यांच्याही भूमिका आहेत.
हेही वाचा :
- आमिर खान आणि त्याची पूर्वाश्रमीची पत्नी किरण रावसह रतन टाटा यांच्या अंतिम संस्कारांना उपस्थित
- मेगास्टार चिरंजीवी यांना सर्वात यशस्वी चित्रपट स्टार म्हणून गिनीज वर्ल्ड रेकॉर्ड, आमिर खानच्या हस्ते झाला सन्मान - Megastar Chiranjeevi
- आमिर खान आणि कुस्तीपटू विनेश फोगटचा व्हिडिओ व्हायरल, चाहत्यांनी केली 'दंगल 2'ची मागणी - aamir speaks to vinesh
