नवी दिल्ली Budget 2024 Announcements for Agri Sector : केंद्रीय अर्थमंत्री निर्मला सीतारामन (Nirmala Sitharaman) यांनी आज (23 जुलै) अर्थसंकल्प सादर केला. या अर्थसंकल्पात 9 घटकांवर लक्ष केंद्रीत करण्यात आलं आहे. यामध्ये कृषी क्षेत्रातील उत्पादकता, रोजगार आणि कौशल्य विकास, मनुष्यबळ विकास आणि सामाजिक न्याय, उत्पादन व सेवा, ऊर्जा संरक्षण, शहरी विकास, पायाभूत संरचना, संशोधन विकास, नव्या पीढीतील सुधारणा आदींचा समावेश आहे. तसंच मोदी 3.0 सरकारच्या पहिल्या अर्थसंकल्पात शेतकऱ्यांसाठी मोठ्या घोषणा करण्यात आल्या आहेत.
शेतकऱ्यांसाठी करण्यात आल्या 'या' घोषणा : "या वर्षी शेती आणि संलग्न क्षेत्रांसाठी 1.52 लाख कोटींची तरतूद करण्यात आली आहे. कृषी क्षेत्रातील उत्पादकता वाढवण्यासाठी डिजिटल पब्लिक इन्फ्रास्ट्रक्चर पुरवलं जाईल. त्यातून शेतीपिकांंचं सर्वेक्षण, मातीची तपासणी अशा सर्व गोष्टींची माहिती शेतकऱ्यांना दिली जाईल," असं अर्थमंत्र्यांनी सांगितलं. याशिवाय 400 जिल्ह्यांमध्ये डिजिटल खरीप पीक सर्वेक्षण केलं जाणार आहे. तर 10 हजार बायो संशोधन केंद्रही बांधली जाणार असल्याची घोषणा त्यांनी केली.
डाळ आणि तेलबियांच्या उत्पादनात स्वयंपूर्ण होण्यावर भर दिला जाईल. तसंच सोयाबीन आणि सुर्यफुल बियांची साठवण वाढवणार असल्याचंही निर्मला सीतारामन यांनी यावेळी सांगितलं. शिवाय 32 फळ आणि भाज्यांच्या 109 जाती वितरीत करणार असल्याचंही त्या यावेळी म्हणाल्या. यंदा कृषी उपकरणांवरील जीएसटी कमी करणं अपेक्षित होतं. तसंच ग्रामीण विकासात महत्त्वाची भूमिका बजावणाऱ्या योजनांसाठी अर्थमंत्री अर्थसंकल्पात अर्थसंकल्पीय तरतूदही वाढवू शकतात, अशी अपेक्षा होती. कृषी उपकरणांवर लावण्यात आलेल्या जीएसटीला शेतकरी संघटनाही विरोध करत आहेत. अशा स्थितीत अर्थसंकल्पात सरकार कृषी उपकरणांवरील जीएसटी दर कमी करण्याचा किंवा अधिक अनुदान देण्याचा निर्णय घेऊ शकते, असं मानलं जात होतं.
हेही वाचा -
- केंद्रीय अर्थसंकल्प 2024 ; जाणून घ्या आज शेयर बाजारात कशी होत आहेत उलथापलथ - Share Market Live Update
- केंद्रीय अर्थसंकल्प 2024 ; कांदा उत्पादक शेतकऱ्यांना मिळणार का दिलासा; शेतकऱ्यांनी केली 'ही' मागणी - Budget 2024 Expectations
- निर्मला सीतारामन इतिहास रचणार! सातव्यांदा सादर करणार 'अर्थसंकल्प' - interesting facts of budget
