नवी दिल्ली LK Advani Admitted To Apollo : भाजपाचे ज्येष्ठ नेते तथा माजी उपपंतप्रधान लालकृष्ण अडवाणी यांची प्रकृती पुन्हा खालावल्यानं त्यांना अपोलो रुग्णालयात दाखल करण्यात आलं. लालकृष्ण अडवाणी यांना बुधवारी रात्री 9 वाजता डॉ विनित सुरी यांच्या देखरेखीखाली अपोलो रुग्णालयात दाखल करण्यात आलं. रुग्णालय सूत्रांनी दिलेल्या माहितीनुसार त्यांची प्रकृती स्थिर आहे.
ज्येष्ठ नेते लालकृष्ण अडवाणी दुसऱ्यांदा रुग्णालयात : भाजपाचे ज्येष्ठ नेते लालकृष्ण अडवाणी यांना बुधवारी रात्री अस्वस्थ वाटू लागलं. त्यामुळे त्यांना सुप्रसिद्ध डॉक्टर विनित सुरी यांच्या देखरेखीखाली अपोलो रुग्णालयात दाखल करण्यात आलं. सध्या ज्येष्ठ नेते लालकृष्ण अडवाणी हे निरीक्षणाखाली असून त्यांची प्रकृती स्थिर आहे, अशी माहिती अपोलो रुग्णालयाच्या वतीनं देण्यात आली आहे. ज्येष्ठ नेते लालकृष्ण अडवाणी यांना रुग्णालयात दाखल करण्याची ही दुसरी वेळ आहे. यापूर्वी त्यांना 26 जूनला अस्वस्थ वाटू लागल्यानं एम्स रुग्णालयात दाखल करण्यात आलं होतं. त्यानंतर त्यांची प्रकृती स्थिर झाल्यानं त्यांना रुग्णालयातून डिस्चार्ज देण्यात आला.
