जयपूर : इंडिया आघाडीच्या नेत्यांनी उपराष्ट्रपती जगदीप धनखड यांच्याविरोधात राज्यसबेत अविश्वास प्रस्ताव दाखल केला आहे. त्यावरुन संसदेच्या हिवाळी अधिवेशनात मोठा गदारोळ सुरू आहे. मात्र उपराष्ट्रपती जगदीप धनखड यांनी विरोधकांना चोख प्रत्युत्तर दिलं आहे. जयपूर इथं बोलताना उपराष्ट्रपती जगदीप धनखड यांनी विरोधकांवर मोठा हल्लाबोल केला. देशातील आणि देशाबाहेरील काही शक्तींना भारताची प्रगती झाल्याचं पचत नाही. या शक्ती देशाचे तुकडे करण्याचा प्रयत्न करत आहेत. मात्र नागरिकांनी प्रत्येक देशविरोधी कारस्थानाला हाणून पाडण्यासाठी एकत्र राहिले पाहिजे, असं आवाहन त्यांनी केलं. उपराष्ट्रपती जगदीप धनखड यांनी टीका केल्यानंतर आता याबाबतचे पडसाद उमटण्याची शक्यता आहे.
देशविरोधी शक्तीला भारताची प्रगती पचत नाही : उपराष्ट्रपती जगदीप धनखड यांनी जयपूर इथं बोलताना देशविरोधी कारवाया करणाऱ्यांना मोठा चपराक लगावली आहे. "देशातील आणि बाहेरील काही शक्ती भारताची प्रगती पचवू शकत नाहीत. या देशविरोधी शक्ती देशाचं विभाजन करू पाहत आहेत. त्यामुळे प्रत्येक देशविरोधी कटकारस्थानाला हाणून पाडण्यासाठी नागरिकांनी एकत्र रहावं," असं आवाहन त्यांनी केलं. जयपूर इथल्या एका कार्यक्रमात बुधवारी बोलताना त्यांनी हे वक्तव्य केलं. त्यामुळे विरोधकांना चांगलीच चपराक बसली आहे. "भारत एक मोठी क्षमता असलेला देश आहे, ही बाब निश्चित आहे. देशाचा विकास दिवसेंदिवस मोठ्या प्रमाणात होत आहे. त्यामुळे भारताचा उदय कोणालाही थांबवता येणार नाही" असंही उपराष्ट्रपती जगदीप धनखड यांनी यावेळी स्पष्ट केलं.
विरोधकांनी दाखल केला अविश्वास प्रस्ताव : संसदेच्या हिवाळी अधिवेशनात इंडिया आघाडीच्या नेत्यांनी मंगळवारी उपराष्ट्रपती जगदीप धनखड यांच्याविरोधात अविश्वास प्रस्ताव दाखल केला. राज्यसभेचं सभागृह पक्षपातीपणानं चालवत असल्याचा आरोप विरोधकांनी सभापती जगदीप धनखड यांच्यावर केला. त्यामुळे विरोधी खासदारांनी राज्यसभेचे सरचिटणीस पीसी मोदी यांच्याकडं राज्यसभेचे सभापती जगदीप धनखड यांना हटवण्याची मागणी केली. काँग्रेस खासदार जयराम रमेश यांनी आपल्या सोशल माध्यमांवर याबाबतची माहिती दिली. "अत्यंत पक्षपाती पद्धतीनं सभापती सबागृहाचं कामकाज चालवत आहेत. त्यामुळे राज्यसभा सभापतींच्या विरोधात अविश्वास प्रस्ताव सादर करण्याशिवाय पर्याय नव्हता. हा अत्यंत क्लेशदायक निर्णय आहे, परंतु संसदीय लोकशाहीच्या हितासाठी त्यांना हे पाऊल उचलावं लागलं आहे," असं त्यांनी यावेळी नमूद केलं.
हेही वाचा :
