चंदीगड Ram Rahim Acquitted In Murder Case : साध्वी बलात्कार आणि खून प्रकरणात शिक्षा भोगत असलेला डेरा सच्चा सौदाचा प्रमुख गुरमीत राम रहीमला पंजाब हरियाणा उच्च न्यायालयानं मोठा दिलासा दिला. पंजाब आणि हरियाणा उच्च न्यायालयानं डेरा सच्चा सौदाचा प्रमुख गुरमीत राम रहीमला रणजीत सिंह हत्या प्रकरणात दोषमुक्त केलं. उच्च न्यायालयानं मंगळवारी हा निर्णय दिला आहे.
महिला शिष्याचं लैंगिक शोषण उघड करण्याची भीती : रणजीत सिंह हा शिबिरातील महिला शिष्यांचं लैंगिक शोषण उघड करणाऱ्या निनावी पत्रामागं असल्याचा संशय गुरमीत राम रहीमला होता. सीबीआयनं म्हटलं होतं की, "रणजीत सिंह आणि त्याच्या एका बहिणीचा उल्लेख पत्रांमध्ये महिला प्रेमींच्या लैंगिक शोषणाबाबत करण्यात आला. पत्रातील मजकूर समोर आल्यानंतर जून 2002 मध्ये त्यांना कॅम्पमध्ये बोलावण्यात आलं. त्याला गंभीर परिणाम भोगावे लागतील, अशी धमकी देण्यात आली. परंतु रणजीत सिंहनं आपण काहीही चुकीचं केलं नसल्याचं सांगत आरोपीची माफी मागण्यास नकार दिला."
रणजीत सिंह हत्या प्रकरणात गुरमीत राम रहीम निर्दोष : डेरा प्रमुख राम रहीम सिंग त्याच्या दोन शिष्यांवर बलात्कार केल्याप्रकरणी 20 वर्षांची शिक्षा भोगत आहे. डेरा प्रमुख गुरमीत राम रहीम आणि इतर तिघांना 2019 मध्ये 16 वर्षांपूर्वी एका पत्रकाराच्या हत्येप्रकरणी दोषी ठरवण्यात आलं होतं. याशिवाय 2021 मध्ये डेरा व्यवस्थापक रणजीत सिंह यांच्या हत्येचा कट रचल्याप्रकरणी डेरा प्रमुख गुरमीत राम रहीम याच्यासह चार आरोपींना दोषी ठरवण्यात आलं. मात्र आता पंजाब हरियाणा उच्च न्यायालयानं गुरमीत राम रहीमची या हत्या प्रकरणात निर्दोष मुक्तता केली.
हेही वाचा :
