नवी दिल्ली Atal Bihari Vajpayee Death Anniversary : भारताचे माजी पंतप्रधान भारतरत्न अटल बिहारी वाजपेयी यांना राष्ट्रपती द्रौपदी मुर्मू, पंतप्रधान नरेंद्र मोदी यांनी आज त्यांच्या स्मृतीदिनानिमित्त आदरांजली वाहिली. भारतरत्न अटल बिहारी वाजपेयी यांचा आज सहावा स्मृतीदिन आहे. त्यानिमित्त राष्ट्रपती द्रौपदी मुर्मू, पंतप्रधान नरेंद्र मोदी यांनी 'सदैव अटल' या त्यांच्या स्मृतीस्थळावर जाऊन आदरांजली वाहिली. तर देशभरातील अनेक दिग्गज नेत्यांनी सोशल माध्यमातून भारतरत्न अटल बिहारी वाजपेयी यांना त्यांच्या स्मृती दिनानिमित्त आदरांजली वाहिली आहे.
Tributes to Atal Ji on his Punya Tithi.
— Narendra Modi (@narendramodi) August 16, 2024
He is remembered by countless people for his unparalleled contribution to nation building. He devoted his entire life towards ensuring that our fellow citizens lead a better quality of life. We will keep working to fulfill his vision for… pic.twitter.com/MfGUl9WUTy
पंतप्रधान नरेंद्र मोदी यांनी वाहिली आदरांजली : पंतप्रधान नरेंद्र मोदी यांनी आज सदैव अटल या माजी पंतप्रधान अटल बिहारी वाजपेयी यांच्या स्मृतीस्थळावर जाऊन त्यांना आदरांजली वाहिली. यावेळी पंतप्रधान नरेंद्र मोदी यांनी आपल्या सोशल माध्यमांवर एक पोस्ट केली. यावेळी त्यांनी "अटल बिहारी वाजपेयी यांनी राष्ट्र उभारणीत अतुलनीय योगदान दिलं आहे. राष्ट्र उभारणीत दिलेल्या अतुलनीय योगदानासाठी अटल बिहारी वाजपेयी यांचं देशातील नागरिक स्मरण करतात. त्यांनी आपलं संपूर्ण आयुष्य आपल्या देशातील नागरिकांना चांगल्या दर्जाचं जीवन जगता यावं, यासाठी समर्पित केलं. भारताच्या विकासाचं त्यांचं व्हिजन पूर्ण करण्यासाठी आम्ही सदैव कार्यरत राहू," असं त्यांनी आपल्या पोस्टमध्ये शेयर केलं.
LIVE: President Droupadi Murmu pays homage to Shri Atal Bihari Vajpayee on his death anniversary at 'Sadaiv Atal' https://t.co/dhXJthaTAC
— President of India (@rashtrapatibhvn) August 16, 2024
राष्ट्रपती द्रौपदी मुर्मू यांनी वाहिली आदरांजली : राष्ट्रपती द्रौपदी मुर्मू यांनी आज सकाळी सदैव अटल या माजी पंतप्रधान भारतरत्न अटल बिहारी वाजपेयी यांच्या स्मृतीस्थळावर भेट दिली. यावेळी राष्ट्रपती द्रौपदी मुर्मू यांनी अटल बिहारी वाजपेयी यांना आदरांजली वाहिली. याबाबत त्यांनी आपल्या सोशल माध्यमांवर माहिती दिली आहे.
पूर्व प्रधानमंत्री 🇮🇳 भारत रत्न श्रद्धेय अटल बिहारी वाजपेयी जी देश के करोड़ो कार्यकर्ताओं के प्रेरणास्रोत है। एक कुशल संगठनकर्ता के रुप में विचारधारा और सिद्धांतों पर आधारित अटलजी का जीवन राष्ट्र के प्रति सदैव समर्पित था। आज उनके स्मृति दिवस पर उन्हें कोटि-कोटि वंदन।🙏🏻… pic.twitter.com/fAwxmh1x9Z
— Nitin Gadkari (@nitin_gadkari) August 16, 2024
काय म्हणाले केंद्रीय मंत्री नितीन गडकरी : केंद्रीय रस्ते वाहतूक आणि महामार्ग मंत्री नितीन गडकरी यांनी माजी पंतप्रधान अटल बिहारी वाजपेयी यांना आदरांजली वाहिली. यावेळी नितीन गडकरी यांनी "माजी पंतप्रधान भारतरत्न अटल बिहारी वाजपेयी हे देशातील करोडो नागरिकांसाठी एक प्रेरणास्त्रोत आहेत. एक कुशल संघटक म्हणून अटल बिहारी वाजपेयी यांचं जीवन विचारधारा आणि तत्वांवर आधारित होतं. अटल बिहारी वाजपेयी यांनी आपलं सारं आयुष्य राष्ट्राला समर्पित केलं. त्यांच्या स्मृतीदिनी त्यांना कोटी कोटी प्रणाम," असं त्यांनी आपल्या सोशल माध्यमातील पोस्टमध्ये नमूद केलं आहे.
हेही वाचा :
