कोलकाता Doctor Rape Murder Case : कोलकाता इथल्या आर जी कार वैद्यकीय महाविद्यालय आणि रुग्णालयात शिकाऊ डॉक्टर तरुणीवर अत्याचार करुन तिचा खून करण्यात आल्यानं देशभरात संताप उमटत आहे. या प्रकरणी पोलिसांनी पुढील तपास सुरू केला आहे. मात्र आर जी कार रुग्णालयात तोडफोड केल्याप्रकरणी पोलिसांनी 19 जणांना अटक केली. गुरुवारी पोलिसांनी याबाबत वृत्तसंस्थेला माहिती दिली. आर जी कार रुग्णालयावर तब्बल 5 ते 7 हजार नागरिकांच्या संतप्त जमावानं हल्ला केला. यावेळी अनेक वैद्यकीय विद्यार्थ्यांना मारहाण करण्यात आली. त्यामुळे पोलिसांनी या हल्लेकोरांची ओळख पटवण्याचं आवाहन सोशल माध्यमातून नागरिकांना केलं आहे.
Kolkata Police arrest 19 miscreants involved in ransacking RG Kar Medical College and Hospital
— ANI Digital (@ani_digital) August 16, 2024
Read @ANI Story | https://t.co/yykNeLNjlu#RGKarMedicalCollege #Kolkata #Kolkatapolice pic.twitter.com/yz6r61YxB0
जमावानं रुग्णालयात घुसून केली तोडफोड : 9 ऑगस्टला कोलकाता शहरातील आर जी कार वैद्यकीय महाविद्यालय आणि रुग्णालयातील पदव्युत्तर विभागात शिकणाऱ्या डॉक्टर तरुणीवर बलात्कार करुन तिचा खून केल्याची घटना घडली. या प्रकरणी देशभरातून संताप व्यक्त करण्यात येत आहे. या घटनेनंतर काही समाजकंटकांनी आर जी कार रुग्णालयात घुसून रुग्णालयाची तोडफोड केली. यावेळी वैद्यकीय विद्यार्थ्यांना मारहाण करण्यात आली. रुग्णालयातील डॉक्टरांनाही मारहाण करण्यात आल्याची माहिती सूत्रांनी दिली. या प्रकरणी पोलिसांनी गुन्हा दाखल केला असून आतापर्यंत 19 हल्लेखोरांना अटक केल्याची माहिती दिली.
पोलिसांनी घेतला सोशल माध्यमाचा आधार : आरजी कार वैद्यकीय महाविद्यालय आणि रुग्णालयात तोडफोड करण्यात आल्यानं मोठी खळबळ उडाली. याप्रकरणी कोलकाता पोलिसांनी सोशल माध्यमात व्हिडिओ जारी करुन नागरिकांची मदत मागितली. पोलिसांनी या प्रकरणी आतापर्यंत 19 आरोपींना अटक केली. यातील 5 हल्लेखोरांना सोशल माध्यमातून ओळखण्यात यश आलं आहे. पोलिसांनी सोशल माध्यमातून "नागरिकांनी या हल्लेखोरांना ओळखण्यात आम्हाला मदत करावी. हे आरोपी आपल्या आसपास आहेत, का याची खात्री करुन आम्हाला माहिती द्यावी," असं आवाहन नागरिकांना केलं आहे.
हेही वाचा :
