मुख्य निवडणूक आयुक्तांची पुढच्या लोकसभा निवडणुकांबाबत मोठी घोषणा, म्हणाले... - Lok Sabha Election Result

Election Commission : मुख्य निवडणूक आयुक्तांनी आज लोकसभा निवडणूक 2024 संदर्भात पत्रकार परिषद घेतली. यावेळी मुख्य निवडणूक आयुक्तांनी निवडणुकीत सहभागी झालेल्या देशातील सर्व मतदारांना सलाम केलाय.

नवी दिल्ली Election Commission : लोकसभा निवडणूक 2024 बद्दल मुख्य निवडणूक आयुक्त राजीव कुमार म्हणाले, 'आम्ही 642 दशलक्ष मतदारांचा जागतिक विक्रम केलाय. हे सर्व जी 7 देशांच्या मतदारांच्या 1.5 पट आणि 27 युरोपीयन युनियन देशांच्या मतदारांच्या 2.5 पट आहे.' 2024 च्या लोकसभा निवडणुकीत सहभागी झालेल्या सर्व मतदारांना निवडणूक आयोगानं अभिवादन केलय.

पुढच्या निवडणुका लवकर होतील : केंद्रीय निवडणूक आयोगानं सोमवारी पत्रकार परिषदेत सांगितलं, "पुढच्या वेळेपासून लोकसभा निवडणुका एप्रिलच्या अखेरीस संपतील." बदलत्या हवामानातून आपण धडा घेतला असल्याचं आयोगानं म्हटलंय. पत्रकार परिषदेला संबोधित करताना मुख्य निवडणूक आयुक्त राजीव कुमार म्हणाले की, 2029 मधील पुढील लोकसभा निवडणुका एप्रिलच्या अखेरीस संपतील कारण देशभरातील अनेक राज्यांमध्ये तीव्र उष्णतेमुळं मतदानाचं प्रमाण कमी झालय.

जयराम रमेश यांना मागितलं उत्तर : 4 जून रोजी लोकसभा निवडणुकीच्या 2024 च्या मतमोजणीच्या एक दिवस आधी, निवडणूक आयोगानं सोमवारी पत्रकार परिषदेला संबोधित केलं. देशाच्या निवडणूक इतिहासात निवडणूक आयोगानं निवडणुकीच्या शेवटी पत्रकार परिषद घेण्याची ही कदाचित पहिलीच वेळ आहे. यापूर्वी रविवारी, केंद्रीय गृहमंत्री अमित शाह यांनी (4 जून) मतमोजणीला उशीर केल्याचा आरोप करत निवडणूक आयोगानं काँग्रेसचे सरचिटणीस जयराम रमेश यांच्याकडून त्यांच्या सोशल मीडिया हँडलवरील पोस्टद्वारे केंद्रीय गृहमंत्र्यांनी काही दिवसांपूर्वी दीडशे जिल्हाधिकाऱ्यांना फोन केल्याचा आरोप केला होता. यावर पुढील आवश्यक कार्यवाहीसाठी निवडणूक आयोगानं जयराम रमेश यांच्याकडून उत्तर मागितलं आहे.

एक्झिट पोलनुसार एनडीएला बहुमत : लोकसभा निवडणुकीसाठी 19 एप्रिलपासून सुरू झालेली सात टप्प्यांची मॅरेथॉन मतदान प्रक्रिया शनिवारी संपली. एक्झिट पोलनं भाकीत केलंय की सत्ताधारी भाजपाच्या नेतृत्वाखालील एनडीए 352 जागा जिंकत 2019 च्या विक्रमाला मागे टाकेल. 2019 च्या लोकसभा निवडणुकीत भाजपानं जिंकलेल्या 303 जागांपेक्षाही चांगली कामगिरी होईल, असा अंदाज दोन सर्वेक्षणांनी वर्तवला आहे. 4 जून रोजी मतमोजणी झाल्यावर भाजपा सत्तेत परत येण्याबाबत एक्झिट पोलचं भाकीत खरं ठरलं, तर पंतप्रधान नरेंद्र मोदी हे जवाहरलाल नेहरूंनंतर सलग तीनवेळा लोकसभा निवडणूक जिंकणारे एकमेव पंतप्रधान होतील.

हेही वाचा :