हैदराबाद April Fool Day : दरवर्षी 1 एप्रिल रोजी जगभरात एप्रिल फूल डे साजरा केला जातो. हा दिवस अमर्याद हास्य आणि आनंदासाठी समर्पित आहे. यादिवशी सहसा लोक खोडसाळपणा करतात. या प्रसंगी, लोक त्यांच्या प्रियजनांना किंवा मित्रांना आश्चर्यचकित करण्यासाठी हास्यास्पद कल्पना घेऊन येतात. शेवटी हे सर्व खोटं असल्याचं उघड करतात. शतकानुशतकं वेगवेगळ्या देशामध्ये एप्रिल फूल डे साजरा करण्यात येतोय.
एप्रिल फूल डे 1 एप्रिलला का साजरा केला जातो? : एप्रिल फूल डे कसा सुरू झाला, याबाबत अनेक कथा आणि कल्पना आहेत. परंतु सर्वात सामान्य कथेनुसार, या दिवसाची उत्पत्ती 16 व्या शतकाच्या उत्तरार्धात असल्याचं मानलं जातं. त्या वेळी, पोप ग्रेगरीने (तेरावे) ग्रेगोरियन कॅलेंडरची अंमलबजावणी 1 जानेवारी रोजी वर्षाच्या सुरुवातीस प्रस्तावित केली. त्यामुळे मार्चच्या शेवटी नवीन वर्ष साजरं करण्याची परंपरा बदलली. तथापि, काही लोकांना या बदलाची माहिती नव्हती. त्यांनी 1 एप्रिल रोजी नवीन वर्ष साजरा करणं सुरू ठेवलं. यामुळं इतरांकडून थट्टा केली जात होती. 1 एप्रिल रोजी नवीन वर्ष साजरे करणाऱ्यांना 'मूर्ख' म्हटले गेले. अशा प्रकारे एप्रिलच्या पहिल्या दिवशी 'एप्रिल फूल डे' साजरा करण्याची परंपरा अस्तित्वात आली.
जगभरात लोक एप्रिल फूल डे कसा साजरा करतात? : जरी तो जगभरातील सर्व देशांमध्ये साजरा केला जात असला तरी, ही सार्वजनिक सुट्टी नाही. तसंच, फ्रान्समध्ये एप्रिल फूलच्या दिवशी मुलांनी त्यांच्या पाठीला कागदी मासे बांधून त्यांच्या मित्रांसोबत विनोद करण्याची प्रथा आहे. स्कॉटलंडमध्ये हा उत्सव दोन दिवस चालतो. दुसरा दिवस टॅली डे म्हणून ओळखला जातो. या प्रथेनं 'किक मी' सिग्नलला चालना दिल्याचं मानलं जाते. न्यूयॉर्कमध्ये 1986 पासून दरवर्षी अस्तित्वात नसलेल्या एप्रिल फूल डे परेडसाठी बनावट प्रेस रिलीझ जारी करण्यात येते.
भारतात 'एप्रिल फूल डे' कधी साजरा करण्यास सुरुवात झाली? : 1 एप्रिलला एप्रिल फूल डे कसा साजरा करण्याची सुरुवात जगभरात कशी झाली, हे माहित झालं. मात्र भारतात एप्रिल फूल साजरा करण्याची सुरुवात ब्रिटिशांनी 19व्या शतकात केली होती. त्यानंतर इथले लोक या दिवशी मौजमजा करतात. ऑस्ट्रेलिया, न्यूझीलंड, इंग्लंड आणि आफ्रिका सारख्या देशांमध्ये एप्रिल फूल डे फक्त मध्यरात्री 12 पर्यंत साजरा केला जातो. परंतु कॅनडा, अमेरिका, रशिया आणि इतर युरोपीय देशांमध्ये एप्रिल फूल डे संपूर्ण दिवस 1 एप्रिल रोजी साजरा केला जातो.
एप्रिल फूल दिवसाचं महत्त्व : जगभरात एप्रिल फूल दिवस साजरा केला जातो. मात्र यादिवशी विनोदाचा अतिरेक करु नये. कारण त्यामुळं कोणाच्या तरी भावना दुखावल्या जाऊ शकतात. एप्रिल फूल डे हा तुमच्या मित्रांच्या खोड्या काढण्याची योग्य वेळ आहे. हे करताना त्यांना दु:ख होईल, असे काही करू नका.
एप्रिल फूल डे वाद : एप्रिल फूल डेमुळे तणाव कमी होतो. हे हृदयासाठी चांगलं असू शकते. मात्र याचे काही नकारात्मक परिणाम होऊ शकतात. 'फेक न्यूज'च्या जमान्यात फसवणूक केली जाते तेव्हा ते खरं नसते. परंतु एप्रिल फूलच्या दिवशी आपण अधिक सतर्क राहणं आवश्यक आहे. ही परंपरा कशी सुरू झाली हे कोणालाच माहीत नाही. अनेक लोक या हलक्याफुलक्या दिवसाचा आनंद घेतात.
हेही वाचा :
