എറണാകുളം: വിമാനം വൈകിയതിൽ കൊച്ചി അന്താരാഷ്ട്ര വിമാനത്താവളത്തിൽ യാത്രക്കാർ പ്രതിഷേധിച്ചു. കൊച്ചി - അബുദാബി ഇത്തിഹാദ് എയർവേയ്‌സിൻ്റെ വിമാനമാണ് വൈകുന്നത്. പുലർച്ചെ 4. 25 ന് പുറപ്പെടേണ്ടിയിരുന്ന വിമാനം ഇതുവരെയും പുറപ്പെട്ടിട്ടില്ല. സാങ്കേതിക തകരാറിനെ തുടർന്നാണ് വിമാനം വൈകുന്നതെന്ന് അധികൃതർ പറഞ്ഞു.
അതേസമയം ഈ വിഷയത്തിൽ വിമാനത്താവളത്തിൽ യാത്രക്കാരുടെ പ്രതിഷേധം തുടരുകയാണ്. വൈകുന്നേരത്തോടെ തകരാർ പരിഹരിച്ച് യാത്ര ആരംഭിക്കുമെന്ന് അധികൃതർ അറിയിച്ചു.
Also Read: നെടുമ്പാശേരി വിമാനത്താവളത്തില്‍ വ്യാജ ബോംബ് ഭീഷണി; യാത്രക്കാരനെതിരെ കേസ്
