കോട്ടയം: പുതുപ്പള്ളി അർജുനൻ ചെരിഞ്ഞു. 40 വയസായിരുന്നു. മോഴ ആനയായിരുന്ന പുതുപ്പള്ളി അർജുനനെ അസമില് നിന്നാണ് കേരളത്തിലെത്തിച്ചത്. ഇന്ന് (ഓഗസ്റ്റ് 22) വൈകീട്ട് അഞ്ചുമണിയോടെയാണ് ചെരിഞ്ഞത്. എഴുന്നള്ളത്തിനും തടിപിടിക്കുന്നതിനും ഒരുപോലെ പോയിരുന്ന ആനയാണ് അർജുനൻ. ഒരാഴ്ചയായി കാലിന് വേദനയായി ചികിത്സയിലായിരുന്നു. ക്രെയിൻ ഉപയോഗിച്ച് ഉയർത്തി നോക്കിയെങ്കിലും കാലുറപ്പിച്ച് നിൽക്കാൻ കഴിയാത്ത നിലയിലായിരുന്നു. ഡോക്ടർമാർ മരുന്നുകൾ നൽകിയെങ്കിലും ആരോഗ്യസ്ഥിതി മെച്ചപ്പെട്ടില്ല. സംസ്കാരം വെള്ളിയാഴ്ച (ഓഗസ്റ്റ് 23) നടക്കും.
Also Read: കാഞ്ഞിരവേലിയിൽ ജനവാസ മേഖലയിൽ ഇറങ്ങിയ കാട്ടാനയെ ചരിഞ്ഞ നിലയില് കണ്ടെത്തി