ഗൂഗിൾ സെർച്ചിങ് ഇനി വേറെ ലെവല്‍; 5 പുതിയ ഫീച്ചറുകളുമായി ഗൂഗിള്‍ - 5 New Features To Chrome

സെർച്ചിങ് എളുപ്പമാക്കാന്‍ പുത്തന്‍ 5 ഫീച്ചറുകളുമായി ഗൂഗിള്‍. ക്രോം ബ്രൗസറിലാണ് പുതിയ ഫീച്ചറുകള്‍ കൊണ്ടുവരുന്നത്. ആൻഡ്രോയിഡ്, ഐഒഎസ് മൊബൈലുകളില്‍ ഇത് ലഭ്യമാകും.

ന്യൂഡൽഹി: സെർച്ചിങ് അനുഭവം മികച്ചതാക്കാന്‍ പുതിയ ഫീച്ചറുകളുമായി ഗൂഗിൾ. ക്രോം ബ്രൗസറിൽ അഞ്ച് പുതിയ ഫീച്ചറുകള്‍ കൊണ്ടുവരുമെന്നാണ് ഗൂഗിൾ പ്രഖ്യാപിച്ചിരിക്കുന്നത്. ആൻഡ്രോയിഡ്, ഐഒഎസ് മൊബൈലുകളിലെ ക്രോം ബ്രൗസിങ് എളുപ്പമാക്കുന്നതാണ് പുതിയ ഫീച്ചറുകള്‍.

'ലോക്കല്‍ സെര്‍ച്ച്' റിസല്‍ട്ട് പെട്ടന്ന് കിട്ടാനുളള കുറുക്കുവഴികളും തിരച്ചില്‍ എളുപ്പമാക്കാനുളള നവീകരിച്ച 'അഡ്രസ് ബാറും' പുതിയ ഫീച്ചറുകളില്‍ ഉള്‍പ്പെടുന്നു. 'ക്രോം ആക്ഷന്‍' ആണ് മറ്റൊരു പ്രധാനപ്പെട്ട ഫീച്ചര്‍. ഇതുവഴി സെര്‍ച്ചിങ് കൂടുതല്‍ സുഗമമാകും.