കൂത്തുപറമ്പ് മണ്ഡലം ലീഗ് ജനറൽ സെക്രട്ടറിയുടെ ശബ്‌ദ സന്ദേശം (ETV Bharat)
കണ്ണൂർ : പാനൂരിൽ നടക്കാനിരിക്കുന്ന റോഡ് ഷോയിലും പ്രകടനത്തിലും വനിത ലീഗ് പ്രവർത്തകർക്ക് വിലക്കേർപ്പെടുത്തിയുള്ള ഓഡിയോ സന്ദേശം പുറത്ത്. വടകര ലോക്‌സഭ മണ്ഡലത്തിൽ വിജയിച്ച ഷാഫി പറമ്പിലിന്‍റെ വിജയാഹ്ലാദത്തിന്‍റെ ഭാഗമായി വടകരയിൽ നടന്ന റാലിയിൽ വനിത ലീഗ് പ്രവർത്തകർ നൃത്തം ചെയ്‌തിരുന്നു. ഇതിനു പിന്നാലെ ആണ് പാനൂരിൽ വിലക്കേർപ്പെടുത്തിയത്.
കൂത്തുപറമ്പ് മണ്ഡലം ലീഗ് ജനറൽ സെക്രട്ടറി ഷാഹുൽ ഹമീദിൻ്റെതാണ് ശബ്‌ദ സന്ദേശം. റോഡ് ഷോയിൽ അച്ചടക്കം വേണമെന്നാണ് നിർദേശം. ആവേശ തിമിർപ്പിന് മതപരമായ നിയന്ത്രണം അനുവദിക്കുന്നില്ലെന്നാണ് ശബ്‌ദ സന്ദേശം. വനിത ലീഗ് പ്രവർത്തകർ അഭിവാദ്യം അർപ്പിച്ചാൽ മതിയെന്നും ശബ്‌ദ സന്ദേശത്തിൽ പറയുന്നു.
