ഇടുക്കി: ആനച്ചാലില്‍ കാട്ടുപന്നി ഇടിച്ചിട്ട സ്‌കൂട്ടര്‍ യാത്രികയ്‌ക്ക് പരിക്ക്. ആനച്ചാല്‍ സ്വദേശിനി ധന്യയ്‌ക്കാണ് പരിക്കേറ്റത്. ഇന്ന് (ഫെബ്രുവരി 28) രാവിലെ ബൈസന്‍വാലിയിലെ ടി ഫാക്‌ടറിക്ക് സമീപത്താണ് സംഭവം.
സ്‌കൂട്ടറില്‍ സഞ്ചരിക്കുന്നതിനിടെയാണ് ഒരുക്കൂട്ടം പന്നികള്‍ റോഡ് മുറിച്ച് കടക്കാനെത്തിയത്. റോഡ് മുറിച്ച് കടക്കുന്നതിനിടെ ഇവ സ്‌കൂട്ടിറില്‍ ഇടിച്ചു. ഇതോടെ നിയന്ത്രണം വിട്ട സ്‌കൂട്ടര്‍ മറിയുകയായിരുന്നു. വീഴ്‌ചയില്‍ കൈകാലുകള്‍ക്ക് പരിക്കേറ്റ യുവതിയെ ആനച്ചാലിലെ ആശുപത്രിയില്‍ പ്രവേശിപ്പിച്ചു. 10ലധികം പന്നികളാണ് കൂട്ടത്തോടെ റോഡിലെത്തിയതെന്ന് പ്രദേശവാസികള്‍ പറയുന്നു.
