തോട്ടുമുക്കത്തെ കാട്ടുപന്നി ശല്യം; തുരു തുരെ തുരത്താൻ നായാട്ടിനിറങ്ങി വനം വകുപ്പ്

അഞ്ച് കാട്ടുപന്നികളെ വെടിവെച്ച് കൊന്നു

കോഴിക്കോട് : തോട്ടുമുക്കത്ത് റിട്ടയർ അധ്യാപികയെ കാട്ടുപന്നി കുത്തിപ്പരിക്കേൽപ്പിച്ചതിനെ തുടർന്ന്
കാട്ടുപന്നികളെ തുരത്തുന്നതിന് പന്നി നായാട്ട് നടത്തി (Wild Boar Nuisance ; wild boar hunting at Thotumukkam). വനംവകുപ്പിന്‍റെ കീഴിലുള്ള എം പാനൽ ഷൂട്ടർമാരുടെ നേതൃത്വത്തിലാണ് പന്നിനായാട്ട് നടത്തിയത്. കൊടിയത്തൂർ പഞ്ചായത്തിലെ തോട്ടുമുക്കം, പള്ളി താഴെ, മേടരഞ്ഞി എന്നിവിടങ്ങളിലാണ് കാട്ടുപന്നികളെ തുരത്തുന്നതിന് വേണ്ടി പന്നി നായാട്ട് നടത്തിയത്.

ഞായറാഴ്‌ച (03-03-2024) രാവിലെ മുതൽ തുടങ്ങിയ പന്നി നായാട്ടിൽ അഞ്ച് കാട്ടുപന്നികളെയാണ് വെടിവെച്ച് കൊന്നത്. പകൽ സമയങ്ങളിൽ പോലും ജനങ്ങൾക്ക് നേരെ കാട്ടുപന്നികൾ ആക്രമണം തുടങ്ങിയതോടെയാണ് ഗ്രാമപഞ്ചായത്ത് ഇത്തരത്തിലൊരു നായാട്ടിന് തുടക്കമിട്ടത്. നായാട്ടിനിടയിൽ നിരവധി കാട്ടുപന്നികൾ ശ്രദ്ധയിൽപ്പെട്ടെങ്കിലും അഞ്ചെണ്ണത്തെയാണ് വെടിവെച്ചു വീഴ്ത്താൻ സാധിച്ചത് (Wild Boar Nuisan).

വരും ദിവസങ്ങളിലും പന്നി നായാട്ട് തുടരുമെന്ന് ഗ്രാമ പഞ്ചായത്ത് പ്രസിഡന്‍റ് ദിവ്യ ഷിബു പറഞ്ഞു. കാട്ടുപന്നിയുടെ ആക്രമണത്തിൽ റിട്ട: അധ്യാപികക്ക് ഗുരുതരമായി പരിക്കേറ്റനിനെ തുടർന്നാണ് നായാട്ട് നടന്നത്. ആക്രമണത്തിൽ തോട്ടുമുക്കം നടുവത്താനിയിൽ ക്രിസ്റ്റിന (74) ക്കാണ് വലതു കൈക്ക് ഗുരുതരമായി പരിക്കേറ്റത് (wild boar hunting) . തോട്ടുമുക്കം ഗവർമെന്‍റ് യു പി സ്‌കൂളിന്‍റെയും സാന്തോം ഇംഗ്ലീഷ് മീഡിയം സ്‌കൂളിന്‍റെയും ഇടയിൽ വെച്ചാണ് ആക്രമണമുണ്ടായത്.

വീട്ടുമുറ്റത്ത് ജോലിചെയ്യുന്നതിനിടെ പെട്ടെന്ന് കാട്ടുപന്നി ആക്രമിക്കുകയായിരുന്നു. ടീച്ചറെ ആക്രമിച്ച ശേഷം അക്രമകാരിയായ കാട്ടുപന്നി സ്‌കൂൾ കുട്ടികളുടെ ഇടയിലേക്കും ഓടിക്കയറി. എന്നാൽ കുട്ടികൾ കാട്ടുപന്നിയെ കണ്ടതോടെ ഓടി മാറിയതിനാൽ പരിക്കേൽക്കാതെ രക്ഷപ്പെട്ടു.