പാലക്കാട്: ട്രോളി വിവാദത്തിനു പിന്നാലെ ഉപതെരഞ്ഞെടുപ്പിലെ ചൂടേറിയ വിഷയമായി സ്‌പിരിറ്റ് കടത്തു മാറുന്നു. അതിർത്തി പ്രദേശമായ ചിറ്റൂർ മേഖലയിൽ കഴിഞ്ഞ ഏതാനും ദിവസങ്ങളിലായി നടന്ന സ്‌പിരിറ്റ് വേട്ടയാണ് പുതിയ ആരോപണങ്ങൾക്ക് ഇടയാക്കിയിരിക്കുന്നത്. ശനിയാഴ്‌ച വണ്ണാമട മലയാണ്ടി കൗണ്ടന്നൂരിലെ തെങ്ങിൻ തോപ്പിൽ സൂക്ഷിച്ച 1326 ലിറ്റർ സ്‌പിരിറ്റ് എക്സൈസ് വകുപ്പ് പിടികൂടിയതോടെയാണ് വിവാദം ആളിപ്പടർന്നത്.
പ്രാദേശിക കോൺഗ്രസ് നേതാവിൻ്റെ ഉടമസ്ഥതയിലുള്ളതാണ് തെങ്ങിൻ തോപ്പ്. ഉപതെരഞ്ഞെടുപ്പിൽ യുഡിഎഫ് വലിയ രീതിയിൽ മദ്യം ഒഴുക്കുകയാണെന്ന് ആരോപിച്ച് എൽഡിഎഫ് നേതാക്കൾ രംഗത്തെത്തിയിരുന്നു. സ്‌പിരിറ്റ് കടത്ത് നടക്കുന്നത് ഭരണകക്ഷി നേതാക്കളുടെ സഹായത്തോടെ ആണെന്നാണ് യുഡിഎഫ് തിരിച്ചടിക്കുന്നത്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
ചിറ്റൂരിലെ സ്‌പിരിറ്റ് കടത്തിനു പിന്നിൽ സിപിഎം ജില്ലാ നേതൃത്വം ആണെന്ന് ആരോപിച്ച് ബിജെപിയും രംഗത്തെത്തിയിട്ടുണ്ട്. ഉപതെരഞ്ഞെടുപ്പില്‍ ജയിക്കുന്നതിനായി മദ്യമൊഴുക്കുന്നുവെന്ന ആരോപണമാണ് മുന്നണികൾ പരസ്‌പരം ഉന്നയിക്കുന്നത്. കഴിഞ്ഞ ഒരു മാസത്തിനിടയിൽ ചിറ്റൂർ മേഖലയിൽ നിന്ന് മാത്രം 5000 ത്തില്‍ അധികം ലിറ്റർ സ്‌പിരിറ്റ് പിടിച്ചെടുത്തിരുന്നു.
Also Read:ഉപതെരഞ്ഞെടുപ്പ് പരസ്യ പ്രചാരണം അവസാന ഘട്ടത്തില്‍; വയനാട്ടിലും ചേലക്കരയിലും ഇന്ന് കൊട്ടിക്കലാശം
