ബേക്കൽ കോട്ട കാണാനെത്തിയ സുഹൃത്തുക്കളെ ഭീഷണിപ്പെടുത്തി സ്വർണവും പണവും കവർന്നു; മൂന്ന് പേർ അറസ്റ്റിൽ - Robbery in Bekal fort

പെരുന്നാൾ ദിനത്തിൽ ബേക്കൽക്കോട്ട കാണാനെത്തിയ സുഹൃത്തുക്കൾക്ക് നേരെയാണ് മർദനമുണ്ടായത്. ഇരുവരെയും മർദിച്ച ശേഷം ഭീഷണിപ്പെടുത്തി പണവും സ്വർണവും കവരുകയായിരുന്നു.

കാസർകോട്: ബേക്കൽക്കോട്ട കാണാനെത്തിയ സുഹൃത്തുക്കളെ മർദിച്ച് ഭീഷണിപ്പെടുത്തി സ്വർണവും പണവും കവർന്ന കേസിൽ മൂന്ന് പേർ അറസ്റ്റിൽ. ബേക്കൽ സ്വദേശികളായ അബ്‌ദുൾ വാഹിദ് (25), അഹമ്മദ് കബീർ(26), ശ്രീജിത്ത്‌(26) എന്നിവരാണ് പൊലീസിന്‍റെ പിടിയിലായത്. ഇന്നലെ (ജൂൺ 18) വൈകീട്ട് 3.30 ഓടെയാണ് സംഭവം.

കാറഡുക്ക സ്വദേശികളായ യുവാവും യുവതിയും ബേക്കൽക്കോട്ടയിലേക്ക് എത്തിയപ്പോൾ പ്രതികൾ തടയുകയായിരുന്നു. കോട്ടയുടെ കാർ പാർക്കിങ് ഏരിയയിൽ വച്ച് യുവാവിനെയും യുവതിയെയും കാറിൽ നിന്ന് വലിച്ചിറക്കി മർദിച്ചു. തുടർന്ന് പണവും, സ്വർണവും തട്ടിയെടുത്തെന്നാണ് പരാതി.