കോഴിക്കോട് : തിരുവമ്പാടിക്കു സമീപം പൊയിലിങ്ങ പുഴയിലെ പുന്നക്കൽ കടവിൽ മധ്യവയസ്‌കനെ മരിച്ച നിലയിൽ കണ്ടെത്തി. തോട്ടുങ്കര മത്തച്ചനെയാണ് (62) മരിച്ച നിലയിൽ കണ്ടെത്തിയത്. ഇന്നലെ (29-032024) രാത്രി ഇതുവഴി പോകുമ്പോൾ കാൽ തെറ്റി പുഴയിൽ വീണതാണെന്നാണ് പ്രാഥമിക നിഗമനം. മരിച്ച മത്തച്ചൻ അവിവാഹിതനാണ്.
ഇന്ന് (30-032024) രാവിലെയാണ് പരിസര വാസികൾ പുഴയിൽ മൃതദേഹം കണ്ടത്. വിവരം അറിഞ്ഞ് തിരുവമ്പാടി പൊലീസ് സ്ഥലത്തെത്തി. പുഴയിൽ നിന്നും മൃതദേഹം കരക്കെത്തിച്ച് ഇൻക്വസ്റ്റ് നടപടികൾ പൂര്‍ത്തിയാക്കി. ശേഷം പോസ്റ്റുമോര്‍ട്ടത്തിനായി മെഡിക്കൽ കോളജ് ആശുപത്രിയിലെ മോര്‍ച്ചറിയിലേക്ക് മാറ്റി.
ALSO READ: പൊരിവേനലിലും ജലസമൃദ്ധി ; കുളിരേകിയൊഴുകുന്നു പന്നിയാർ പുഴ - PANNIYAR RIVER
