എം വി ഗോവിന്ദൻ മാധ്യമങ്ങളോട് (Source: ETV Bharat Reporter)
കണ്ണൂർ : ബോംബ് നിര്‍മാണത്തിനിടെ കൊല്ലപ്പെട്ടവർക്കായി സിപിഎം നിർമിച്ച രക്തസാക്ഷി സ്‌മാരകത്തിന്‍റെ ഉദ്ഘാടനവുമായി ബന്ധപ്പെട്ട് പ്രതികരിച്ച് സംസ്ഥാന സെക്രട്ടറി എം വി ഗോവിന്ദൻ. പ്രാദേശികമായ വിഷയമാണ്. അത് പർവതീകരിച്ച് ചർച്ചയാക്കേണ്ട കാര്യമില്ലെന്നും എം വി ഗോവിന്ദൻ മാധ്യമങ്ങളോട് പറഞ്ഞു.
വിഷയത്തിൽ ജില്ല കമ്മിറ്റി മറുപടി പറയുമെന്ന് പറഞ്ഞ അദ്ദേഹം ഉദ്ഘാടനത്തിൽ പങ്കെടുക്കുന്ന കാര്യത്തിൽ പാർട്ടി തീരുമാനമെടുക്കുമെന്നും വ്യക്തമാക്കി. സോളാർ വിഷയം അവസാനിച്ചതാണെന്നും അതിൽ ഇനി മറുപടി പറയേണ്ട ആവശ്യമില്ലെന്നും അദ്ദേഹം പറഞ്ഞു.
