വിവാഹത്തില്‍ നിന്ന് പിന്മാറി; പ്രതിശ്രുത വധുവിന്‍റെ വീടിന് നേരെ വെടിയുതിര്‍ത്ത് വരന്‍ - Man opens fire at fiancees house

വിവാഹത്തിൽ നിന്ന് പിന്മാറിയതിൻ്റെ പേരിൽ പ്രതിശ്രുത വധുവിൻ്റെ വീടിന് നേരെ യുവാവ് വെടിയുതിര്‍ത്തു.

മലപ്പുറം : വിവാഹം മുടങ്ങിയതിന്‍റെ പേരില്‍ പ്രതിശ്രുത വധുവിൻ്റെ വീടിന് നേരെ വെടിവയ്‌പ്പ്. ചൊവ്വാഴ്‌ച രാത്രി മലപ്പുറം കോട്ടക്കലിലാണ് സംഭവം. പെണ്‍കുട്ടിയുമായി വിവാഹം ഉറപ്പിച്ചിരുന്ന അബു താഹിറാണ് വീടിന് നേര്‍ക്ക് വെടിയുതിര്‍ത്തത്.

ഇയാളെ പൊലീസ് അറസ്റ്റ് ചെയ്‌തു. വീട്ടുകാർ നിശ്ചയിച്ചിരുന്ന വിവാഹം യുവതി വേണ്ടെന്നു വച്ചതാണ് വെടിവയ്പ്പിന് കാരണം. യുവതിയുടെ വസതിക്ക് നേരെ എയർ ഗൺ ഉപയോഗിച്ചാണ് ഇയാള്‍ വെടിയുതിർത്തത്.