തിരുവനന്തപുരം: ഡിജി ഡോർ പിൻ സംവിധാനം നിലവിൽ വരുന്നതോടെ അനധികൃത കെട്ടിടങ്ങൾക്കെതിരെ നടപടിയെടുക്കാനൊരുങ്ങി കേരളം. വിലാസം പോലുമില്ലാത്ത വീടിന്‍റെയും വീട്ടുടമയുടെയും വിവരങ്ങൾ വിരൽത്തുമ്പിലെത്തുന്ന ഡിജി ഡോർ പിൻ നടപ്പാകുമ്പോൾ ഓരോ വീടിന്‍റെയും കെട്ടിടത്തിന്‍റെയും നമ്പർ ഡിജിറ്റലാകും. കെട്ടിടങ്ങൾക്ക് തദ്ദേശസ്ഥാപനങ്ങൾ നൽകുന്ന സ്ഥിരം നമ്പറാണ് ഡിജി ഡോർ പിൻ. ഒമ്പതോ പത്തോ അക്കമുള്ള ഓരോ നമ്പറിലും കെട്ടിടവിവരങ്ങൾ ഒളിഞ്ഞിരിക്കുമെന്നതാണ് ഇതിന്‍റെ പ്രത്യേകത.
ഡിജി ഡോർ പിൻ രൂപകൽപ്പന ചെയ്‌തിരിക്കുന്നത് ഒരു സ്ഥിരം ഐഡന്‍റിഫയറായാണ്, ഇത് അനധികൃത നിർമാണങ്ങൾ കൃത്യമായി കണ്ടെത്തുന്നതിന് അധികൃതരെ സഹായിക്കുന്നു. ഡിജി ഡോർ പിൻ സംവിധാനത്തിലൂടെ കേരളത്തിലെ മുഴുവൻ കെട്ടിടങ്ങളുടെ എണ്ണവും കൃത്യമായി നിശ്ചയിക്കാൻ സാധിക്കും.
എല്ലാ കെട്ടിടങ്ങളും ജിയോടാഗ് ചെയ്യുന്നതിനാൽ കൃത്യമായ പെർമിറ്റുകളില്ലാത്ത അനധികൃത കെട്ടിടങ്ങൾ തിരിച്ചറിയാൻ ഡിജി ഡോർ പിൻ സംവിധാനം അധികാരികളെ പ്രാപ്‌തരാക്കും. കേരളത്തിൽ വീടുകൾ ഉൾപ്പെടെ ഒരു ലക്ഷത്തോളം അനധികൃത കെട്ടിടങ്ങളുണ്ടെന്നാണ് അനൗദ്യോഗിക കണക്ക്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാം
ഓരോ കെട്ടിടത്തിനും ഡിജി ഡോർ പിൻ ലഭിക്കുമ്പോൾ, ഈ ഘടനകൾ എളുപ്പത്തിൽ തിരിച്ചറിയുകയും നിയമപരമായ ഫോൾഡിലേക്ക് കൊണ്ടുവരുകയും ചെയ്യും. മുമ്പ് രജിസ്‌റ്റർ ചെയ്യാത്ത കെട്ടിടങ്ങളിൽ നിന്ന് നികുതി പിരിച്ചെടുക്കാനും ഇത് സർക്കാരിനെ സഹായിക്കും.
കേരളത്തിലെ ആകെ കെട്ടിടങ്ങളുടെ എണ്ണം: കേരളത്തിൽ നിലവിൽ 1.56 കോടി അംഗീകൃത കെട്ടിടങ്ങളുണ്ട്, അതിൽ പാർപ്പിട വീടുകളും ഫ്ലാറ്റുകളും ഉൾപ്പെടുന്നു. ഡിജി ഡോർ പിൻ സംരംഭത്തിൻ്റെ ഭാഗമായി ഈ കെട്ടിടങ്ങൾക്കെല്ലാം പുതിയ നമ്പറുകൾ നൽകും. നമ്പറിങ് സംവിധാനം കെട്ടിടങ്ങളുടെ എണ്ണം വർധിപ്പിക്കും.
Also Read: മലയോര ഹൈവെ നിർമാണം: റോഡ് കയ്യേറി നിർമിച്ച കെട്ടിടങ്ങള്‍ പൊളിച്ച് നീക്കാൻ ആവശ്യപ്പെട്ട് നോട്ടിസ്
