തിരുവനന്തപുരം: ടൈപ്പ് 1 പ്രമേഹമുള്ള വിദ്യാർഥികൾക്ക് എസ്എസ്എൽസി, പ്ലസ് ടു പരീക്ഷകളിൽ മണിക്കൂറിൽ 20 മിനിറ്റ് അധിക സമയം നൽകണമെന്ന് സെൻട്രൽ ബോർഡ് ഓഫ് സെക്കൻഡറി എജ്യുക്കേഷനോട് (സിബിഎസ്ഇ) ആവശ്യപ്പെട്ട് സംസ്ഥാന മനുഷ്യാവകാശ കമ്മിഷൻ. ഇതുമായി ബന്ധപ്പെട്ട് സിബിഎസ്ഇ ഡയറക്‌ടറും പൊതുവിദ്യാഭ്യാസ വകുപ്പ് പ്രിൻസിപ്പൽ സെക്രട്ടറിയും ഒരു മാസത്തിനകം റിപ്പോർട്ട് സമർപ്പിക്കണമെന്ന് ജസ്റ്റിസ് അലക്‌സാണ്ടർ തോമസ് ചെയർപേഴ്‌സണായിട്ടുളള കമ്മിഷൻ ആവശ്യപ്പെട്ടു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാം
സംസ്ഥാന സിലബസിന് കീഴിലുള്ള വിദ്യാർഥികൾക്ക് സമാനമായി 20 മിനിറ്റ് കേരള സർക്കാർ നൽകുന്നുണ്ട്. കാര്യവട്ടം സ്വദേശിനി ബുഷ്‌റ ഷിഹാബ് സമർപ്പിച്ച ഹർജിയിൽ കേരളത്തിൽ മാത്രം 8,000 കുട്ടികളും ഇന്ത്യയിലാകമാനം 8 ലക്ഷം കുട്ടികളും ടൈപ്പ് 1 പ്രമേഹബാധിതരാണെന്ന് ചൂണ്ടിക്കാട്ടുന്നു.
മിഠായി പദ്ധതി: പ്രമേഹമുള്ള കുട്ടികൾക്കായി...
ടൈപ്പ് 1 പ്രമേഹമുള്ള കുട്ടികൾക്കും കൗമാരക്കാർക്കും സംരക്ഷണം നൽകുന്നതിനായി 2018 ൽ ആരംഭിച്ച കേരള സർക്കാരിൻ്റെ പദ്ധതിയാണ് 'മിഠായി'.
- സൗജന്യമായി ഇൻസുലിനും തുടർച്ചയായി ഗ്ലൂക്കോസ് നിരീക്ഷണവും ലഭിക്കുന്നു.
- 18 വയസു വരെയുള്ള കുട്ടികൾക്ക് ചികിത്സ ലഭ്യമാക്കുന്നു.
- കൗൺസിലിങ്, രക്ഷാകർത്താക്കൾക്ക് പരിശീലനം, സാമൂഹിക സുരക്ഷാ സംവിധാനങ്ങൾ എന്നിവ നൽകുന്നു.
ഇന്ത്യയിൽ തന്നെ ആദ്യത്തെ സംരംഭമായ ഈ പദ്ധതി സാമൂഹ്യനീതി, വനിതാ ശിശുവികസന വകുപ്പുകളുടെ പിന്തുണയോടെയാണ് നടപ്പിലാക്കിയത്.
എന്താണ് ടൈപ്പ് 1 പ്രമേഹം?
രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിന് ആവശ്യമായ ഹോർമോണായ ഇൻസുലിൻ ഉത്പാദിപ്പിക്കുന്നതിൽ പാൻക്രിയാസ് പരാജയപ്പെടുമ്പോഴാണ് ടൈപ്പ് 1 പ്രമേഹം ഉണ്ടാകുന്നത്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാം
ഇത് സാധാരണയായി കുട്ടികളെയും യുവാക്കളെയുമാണ് ബാധിക്കുന്നത്. കൂടാതെ ഈ രോഗാവസ്ഥയ്ക്ക് ആജീവനാന്ത ഇൻസുലിൻ തെറാപ്പി ആവശ്യമാണ്.
കുട്ടികളിലുണ്ടാകുന്ന ലക്ഷണങ്ങൾ
അമിതമായ വിശപ്പ്: ഇൻസുലിൻ സ്വയം ശരീരത്തിൽ ഉത്പാദിക്കാത്തതിനാൽ തന്നെ കോശങ്ങൾ കൂടുതൽ ഭക്ഷണം കഴിക്കുന്നതിനായി ശരീരത്തെ നിർബന്ധിക്കുന്നു.
ദാഹവും ഇടയ്ക്കിടെ മൂത്രമൊഴിക്കാനുള്ള പ്രവണതയും: രക്തത്തിൽ പഞ്ചാസാരയുടെ അളവ് കുറയുന്നത് നിർജലീകരണത്തിന് കാരണമാകുന്നു.
ശരീരഭാരം കുറയുക: കൊഴുപ്പും പേശികളും ശരീരം ഊർജത്തിനായി ഉപയോഗിക്കുമ്പോൾ അത് പെട്ടെന്ന് ശരീര ഭാരം കുറയുന്നതിലേക്ക് നയിക്കുന്നു.
ക്ഷീണം: കോശങ്ങളിലെ പഞ്ചസാരയുടെ അളവ് കുറയുന്നത് ഊർജം കുറയുന്നതിന് കാരണമാകുന്നു.
മൂഡ് സ്വിങ്സ്: വൈകാരികമാവുക അല്ലെങ്കിൽ ദേഷ്യപ്പെടുന്നത് എന്നിങ്ങനെയുള്ളവ അധികമായിരിക്കും.
കുട്ടികളിലെ ടൈപ്പ് 1 പ്രമേഹം എങ്ങനെ നിയന്ത്രിക്കാം ?.
സമീകൃതാഹാരം കഴിക്കുക: ധാന്യങ്ങൾ, പച്ചക്കറികൾ, പ്രോട്ടീൻ അടങ്ങിയ ഭക്ഷണം, കൊഴുപ്പുകൾ അടങ്ങിയത് എന്നിവ ഉൾപ്പെടുത്തുക. രക്തത്തിലെ പഞ്ചസാര അളവ് നിജപ്പെടുത്തുന്നതിനായി ചെറിയ രീതിയിൽ ഇടയ്ക്കിടെ ഭക്ഷണം കഴിക്കുക.
ജലാംശം നിലനിർത്തുക: ദിവസത്തിൽ ധാരാളം വെള്ളം കുടിക്കുന്നതിനായി കുട്ടികളെ പ്രോത്സാഹിപ്പിക്കുക.
പതിവായി ഇൻസുലിനെടുക്കുക: നിർദേശിച്ച പ്രകാരം ഭക്ഷണത്തിന് 15 - 20 മിനിറ്റ് മുൻപ് ഇൻസുലിൻ നൽകുക.
രക്തത്തിലെ പഞ്ചസാരയുടെ അളവ് നിരീക്ഷിക്കുക: തത്സമയ ഡാറ്റ ലഭിക്കുന്നതിനായി തുടർച്ചയായി ഗ്ലൂക്കോസ് അളവ് നോക്കുക.
ശാരീരിക പ്രവർത്തനങ്ങൾ ചെയ്യുക: ഗ്ലൂക്കോസിൻ്റെ അളവ് കൂട്ടുന്നതിനായി പതിവായി പ്രായത്തിന് അനുയോജ്യമായ വ്യായാമത്തിൽ ഏർപ്പെടുക.
ജാഗ്രത പാലിക്കുക
തലകറക്കം, മങ്ങിയ കാഴ്‌ച, അല്ലെങ്കിൽ കടുത്ത ക്ഷീണം തുടങ്ങിയ ഹൈപ്പോ- അല്ലെങ്കിൽ ഹൈപ്പർ ഗ്ലൈസീമിയയുടെ ലക്ഷണങ്ങൾ ഉണ്ടാകുന്നുണ്ടോയെന്ന് നീരീക്ഷിക്കുക.
പ്രശ്‌നങ്ങളും പ്രതിരോധവും:
ടൈപ്പ് 1 പ്രമേഹം ജനിതകമായിട്ടുളളതാണ്. എന്നാൽ നേരത്തെ രോഗനിർണയം നടത്തുകയാണെങ്കിൽ പ്രമേഹത്താലുണ്ടാകുന്ന സങ്കീർണതകൾ തടയാനാകും. കിടക്കയിൽ മൂത്രമൊഴിക്കുക, കാഴ്‌ച ശക്തിയിലുണ്ടാകുന്ന മാറ്റങ്ങൾ, കുട്ടികളിലെ അസാധാരണമായ പെരുമാറ്റം തുടങ്ങിയ ലക്ഷണങ്ങളെക്കുറിച്ച് രക്ഷിതാക്കൾ അറിഞ്ഞിരിക്കണം.
(റഫറൻസ്: ഇൻ്റർനാഷണൽ ഡയബറ്റിസ് ഫെഡറേഷൻ)
Also Read: പ്രമേഹം നിയന്ത്രിക്കാൻ ഈ ഭക്ഷണങ്ങൾ ഡയറ്റിൽ ഉൾപ്പെടുത്താം
