'ഗ്രോ' ആപ്പിന്‍റെ പേരിൽ തട്ടിപ്പ്; കോഴിക്കോട് സ്വദേശിക്ക് നഷ്‌ടമായത് 4.8 കോ​ടി രൂ​പ - Fake Grow App Fraud

സൈബർ ക്രൈം വഴി കോഴിക്കോട് സ്വദേശിക്ക് 4.8 കോടി രൂപ നഷ്‌ടമായ സംഭവത്തിൽ അന്വേഷണം ആരംഭിച്ച് പൊലീസ്. വന്‍തോ​തി​ല്‍ ലാ​ഭം നേ​ടാ​മെ​ന്ന് തെറ്റി​ദ്ധ​രി​പ്പി​ച്ചാ​ണ് സം​രം​ഭ​ക​നി​ൽ ​നി​ന്ന് പ​ണം ത​ട്ടി​യ​ത്.

കോ​ഴി​ക്കോ​ട്: വ്യാ​ജ ഓ​ഹ​രി​യി​ട​പാ​ട് ആപ്ലിക്കേഷൻ ഉ​പ​യോ​ഗി​ച്ചു​ള്ള ത​ട്ടി​പ്പി​ൽ കോഴിക്കോട് സ്വ​ദേ​ശി​ക്ക് 4.8 കോ​ടി രൂ​പ നഷ്‌ടമായി.​ സംഭവത്തിൽ പൊലീസ് അന്വേഷണം ആരംഭിച്ചു. സി​റ്റി സൈ​ബ​ർ ക്രൈം ​പൊ​ലീ​സ് ഡിജിറ്റൽ തെളിവുകൾ ശേഖരിക്കും.

തട്ടിപ്പിന് പിന്നിൽ രാജ്യാന്തര ശൃംഖലയാണെന്നാണ് പ്രാഥമിക വിവരം. വാട്‌സ്‌ആ​പ്പ് വ​ഴി 'ഗ്രോ' ​എ​ന്ന ഓ​ഹ​രി​യി​ട​പാ​ട് ആപ്ലിക്കേഷൻ ആ​ണെ​ന്ന വ്യാ​ജേ​നയാണ് തട്ടിപ്പ് നടന്നത്. ഓഹരിയിടപാട് വ​ഴി​യും ഫോ​റി​ൻ ഇൻസ്റ്റിറ്റ്യൂഷണല്‍ ഇൻവെസ്റ്റര്‍ മുഖാ​ന്ത​രം പ്രാ​രം​ഭ പ​ബ്ലി​ക് ഓ​ഫ​ർ (ഐപിഒ) വ​ഴി​യും കൂ​ടു​ത​ല്‍ നി​ക്ഷേ​പം നടത്തി വന്‍തോ​തി​ല്‍ ലാ​ഭം നേ​ടാ​മെ​ന്ന് തെറ്റിദ്ധരിപ്പിച്ചാണ് സം​രം​ഭ​ക​നി​ൽ ​നി​ന്ന് പ​ണം ത​ട്ടി​യ​ത്.

2024 മെയി​ലാ​ണ് ത​ട്ടി​പ്പു​കാ​ർ പ​രാ​തി​ക്കാ​ര​നെ ബ​ന്ധ​പ്പെ​ടു​ന്ന​ത്. വാട്‌സആ​പ്പ് വഴി ഓ​ഹ​രി​യി​ട​പാ​ട് സം​ബ​ന്ധ​മാ​യി ല​ഭി​ച്ച ഒ​രു സന്ദേശ​ത്തി​ൽ നി​ന്നാ​ണ് തട്ടിപ്പിന്‍റെ തു​ട​ക്കം. സ​ന്ദേ​ശം പി​ന്തു​ട​ർ​ന്ന​തോ​ടെ ലി​ങ്ക് വ​ഴി വാട്‌സ്‌ആ​പ്പ് ഗ്രൂപ്പില്‍ ജോ​യി​ന്‍ ചെ​യ്യിപ്പി​ച്ചു.

അഡ്‌മി​ൻ പാ​ന​ലി​ൽ ഉ​ള്ള ഒ​രു ന​മ്പ​റി​ൽ ​നി​ന്ന് ചീ​ഫ് സ്ട്രാ​റ്റ​ജി​ക് അ​ന​ലി​സ്‌റ്റ് ആ​ണെ​ന്ന് പ​രി​ച​യ​പ്പെ​ടു​ത്തി ഒ​രാ​ൾ പരാതിക്കാരനുമായി ബ​ന്ധ​പ്പെ​ട്ടു. കൂടുതല്‍ വി​വ​ര​ങ്ങ​ള്‍ക്കാ​യി അ​യാ​ളു​ടെ അ​സിസ്‌റ്റന്‍റിന്‍റെ ന​മ്പറും അയച്ചുകൊടുത്തു. അ​സി​സ്‌റ്റന്‍റു​മാ​യി ബ​ന്ധ​പ്പെ​ട്ട പ​രാ​തി​ക്കാ​ര​ന് ഗ്രോ ​എ​ന്ന ഓ​ഹ​രി​യി​ട​പാ​ട് ആപ്ലിക്കേഷന്‍റെ ലോഗോ​യും അ​വ​രു​ടെ വെ​ബ്‌​സൈ​റ്റി​ന് സ​മാ​ന​മാ​യ പേ​രു​ള്ള വെ​ബ്സൈ​റ്റ് ലി​ങ്കും ന​ൽ​കി. ഒ​രു ആ​പ്ലി​ക്കേ​ഷ​ൻ ഇൻസ്‌റ്റാ​ൾ ചെയ്യിപ്പിക്കുകയുെ ചെ​യ്‌തു. ശേഷം അ​തിന്‍റെ ലോ​ഗി​ൻ ഐഡി​യും പാസ്‌വേഡും വാട്‌സ്‌ആപ്പ് വ​ഴി അയ​ച്ചു​കൊ​ടു​ത്തു.

ആ​പ്ലി​ക്കേ​ഷ​ൻ സം​ബ​ന്ധ​മാ​യ സം​ശ​യ​ങ്ങ​ൾ ചോ​ദി​ക്കു​ന്ന​തി​നാ​യി ക​സ്‌റ്റ​മ​ർ കെയര്‍ ന​മ്പ​റു​ക​ളും ന​ൽ​കി. വാട്‌സ്‌ആപ്പ് ഗ്രൂ​പ്പി​ല്‍ ഓഹരി വി​പ​ണി സംബന്ധമായ ടി​പ്പു​ക​ള്‍ അവർ പരാതിക്കാരന് കൊ​ടു​ക്കു​ക​യും ചെയ്തിരുന്നു. വാട്‌സ്‌ആപ്പ് ന​മ്പ​റു​ക​ള്‍ വ​ഴി നൽകി​യ ബാ​ങ്ക് അ​ക്കൗ​ണ്ടു​ക​ളി​ലേ​ക്ക് ആവശ്യപ്പെട്ടപ്രകാരം പ​ണം നി​ക്ഷേ​പി​ച്ച​പ്പോ​ള്‍ അ​ത് ആ​പ്ലി​ക്കേ​ഷ​നി​ൽ പ്രതിഫലിക്കുകയും, അതുപയോ​ഗി​ച്ച് പരാതിക്കാരന് ല​ഭി​ച്ച ടി​പ്പു​ക​ൾ പ്ര​കാ​രം ഓഹ​രി​യി​ട​പാ​ട് ന​ട​ത്തി​യ​പ്പോ​ൾ അ​തി​ന്‍റെ ലാ​ഭം കാ​ണി​ച്ച്​കൊടുക്കുകയും ചെയ്‌തു. മാത്രമല്ല ലാ​ഭ​ത്തി​ൽ കു​റ​ച്ച് തു​ക പി​ൻ​വ​ലി​ക്കാ​നും സാ​ധി​ച്ചു.

വാട്‌സ്‌ആ​പ്പ് ഗ്രൂ​പ്പി​ല്‍ ല​ഭി​ക്കു​ന്ന ഓ​ഹ​രി വി​പ​ണി സം​ബ​ന്ധ​മാ​യ ടി​പ്പു​ക​ള്‍ യഥാർ​ഥ ഓ​ഹ​രി ക​മ്പോ​ള​ത്തി​ൽ ട്രെ​ൻ​ഡി​ങ് ആയവയായതി​നാ​ൽ ആ​ദ്യം സംശയ​മൊ​ന്നും തോന്നിയില്ലെന്ന് പരാതിക്കാരൻ പറഞ്ഞു. കൂ​ടു​ത​ല്‍ നിക്ഷേപം ന​ട​ത്തി വ​ന്‍തോ​തി​ല്‍ ലാ​ഭം നേ​ടാ​മെ​ന്ന് വിശ്വസിപ്പി​ച്ച് പി​ന്നീ​ട് വേറൊ​രു വാട്‌സ്‌ആപ്പ് ഗ്രൂ​പ്പി​ൽ എ​ത്തി​ച്ചു കൂ​ടു​ത​ൽ പ​ണം നി​ക്ഷേ​പി​ക്കാ​ൻ ആവശ്യപ്പെടുകയും പരാതിക്കാരന് പു​തി​യ ആപ്ലി​ക്കേ​ഷ​ൻ ലി​ങ്ക് ന​ൽ​കു​ക​യും ചെ​യ്‌തു.

അ​തു​വ​ഴി വ​ലി​യ തു​ക നി​ക്ഷേ​പി​ച്ച​തി​ൽ വ​ലി​യ ലാ​ഭം കാ​ണി​ച്ചു. പിൻവലിക്കാൻ ശ്ര​മി​ച്ച​പ്പോ​ൾ കൂ​ടു​ത​ല്‍ തു​ക ലാഭ​ത്തി​ൽ ആ​യാ​ൽ മാ​ത്ര​മേ സാ​ധി​ക്കൂ​വെ​ന്ന് അ​റി​യി​ക്കു​ക​യും വീ​ണ്ടും നി​ക്ഷേ​പം ന​ട​ത്താ​ൻ വാട്‌സ്‌ആ​പ്പ് വ​ഴി നി​ർ​ദേ​ശി​ക്കു​ക​യും ചെ​യ്‌തു. അ​ങ്ങ​നെ ചെ​​യ്‌ത​പ്പോ​ൾ നി​കു​തി​യാ​യി വ​ലി​യ തു​ക അ​ടയ്‌​ക്കാ​ൻ നി​ർ​ദേ​ശി​ച്ചു. കൂ​ടാ​തെ ആ​പ്ലി​ക്കേ​ഷ​ന്‍റെ വി​ശ്വാ​സ്യ​ത വ​ർ​ധി​പ്പി​ക്കാ​നു​ള്ള സന്ദേ​ശം വാട്‌സ്‌ആ​പ്പ് വ​ഴി ന​ൽ​കു​ക​യും ചെയ്‌തു. ഇ​തോ​ടെ സം​ശ​യം ​തോ​ന്നിയ പരാതിക്കാരൻ 1930 എ​ന്ന ടോ​ള്‍ ഫ്രീ ​ന​മ്പ​ര്‍ വ​ഴി പരാ​തി ര​ജി​സ്‌റ്റ​ർ ചെ​യ്‌ത​പ്പോ​ഴാ​ണ് ത​ട്ടി​പ്പ് മ​ന​സി​ലാ​യ​ത്.