ഡോക്‌ടര്‍മാരില്ലാതെ കോഴിക്കോട് മെഡിക്കല്‍ കോളജ്; എസ്‌ആര്‍ കാലാവധി പൂര്‍ത്തിയാക്കി ഇന്നിറങ്ങും, പ്രതിസന്ധി രൂക്ഷമായേക്കും - Doctors Crisis In Kozhikode

കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആശുപത്രിയിലെ സീ​നി​യ​ർ റെ​സി​ഡ​ന്‍റ് ഡോ​ക്‌ട​ർമാര്‍ ഇന്നിറങ്ങും. ഇതോടെ രോഗികളുടെ ചികിത്സ വൈകും. നിലവില്‍ ഡോക്‌ടര്‍മാരുടെ കുറവ് നേരിടുന്ന ആശുപത്രിയില്‍ സീ​നി​യ​ർ റെ​സി​ഡ​ന്‍റ് ഡോ​ക്‌ട​ർമാരുടെ സേവനം ആശ്വാസകരമായിരുന്നു.

കോഴിക്കോട്: ഡോ​ക്‌ട​ർ​മാ​രു​ടെ കു​റ​വ് നേരിടുന്ന മെഡി​ക്ക​ൽ കോ​ള​ജ് ആശുപത്രിയിൽ നി​ന്ന് സീ​നി​യ​ർ റെ​സി​ഡ​ന്‍റ് ഡോ​ക്‌ട​ർ​മാർ (എസ്ആർ) കാ​ലാ​വ​ധി പൂ​ർ​ത്തി​യാ​ക്കി ഇന്നിറങ്ങും. ഇതോടെ നിലവിലെ പ്രതിസന്ധി കൂടുതല്‍ രൂക്ഷമാകും. ആശുപത്രി​യി​ലെ സീ​നി​യ​ർ റെ​സി​ഡ​ന്‍റു​മാ​രു​ടെ സേ​വ​നം രോഗിക​ൾ​ക്ക് ചി​കി​ത്സ ല​ഭ്യ​മാ​ക്കു​ന്ന​തിൽ ഏറെ സഹായകരമായിരുന്നു.

ഓ​ർ​ത്തോ അ​ട​ക്ക​മു​ള്ള വി​ഭാ​ഗ​ങ്ങ​ളി​ൽ ശസ്ത്ര​ക്രി​യ ഉ​ൾ​പ്പെ​ടെയുളള ചികിത്സക​ളി​ൽ പ്ര​ധാ​ന പ​ങ്കു​വ​ഹി​ക്കു​ന്ന സീനിയർ റെസിഡന്‍റ് ഡോക്‌ടർമാർ കൂ​ട്ട​ത്തോ​ടെ ഇ​റ​ങ്ങു​ന്ന​ത് മെ​ഡി​ക്ക​ൽ കോ​ള​ജി​ന്‍റെ പ്ര​വ​ർ​ത്ത​നം താ​ളം തെറ്റിക്കു​മെ​ന്ന് ഡോക്‌ടർമാർ തന്നെ വ്യ​ക്ത​മാ​ക്കി. പു​തി​യ ബാ​ച്ച് വ​രാ​ൻ ഇനിയും ആ​റു​മാ​സമെങ്കിലും കാ​ത്തി​രി​ക്ക​ണ​മെ​ന്നി​രി​ക്കെ പ​ക​രം സം​വി​ധാ​ന​ങ്ങ​ൾ ഒ​രു​ക്കാ​ത്ത​താണ് ആ​ശു​പ​ത്രി​യി​ൽ ചി​കി​ത്സ വൈ​കാ​ൻ ഇ​ട​യാ​ക്കിയത്. ഇത് നി​ല​വി​ലു​ള്ള ഡോ​ക്‌ടർ​മാ​രു​ടെ ജോലി​ഭാ​രം ഇ​ര​ട്ടി​യാക്കുകയും ചെയ്യും.

ശ​സ്ത്ര​ക്രി​യ​ക​ള്‍ അ​ന​ന്ത​മായി നീളും. ഓ​ർ​ത്തോ, ഗ്യാ​സ്ട്രോ വി​ഭാ​ഗ​ത്തി​ൽ ശ​സ്ത്ര​ക്രി​യ​കൾക്ക് മാ​സ​ങ്ങ​ൾ നീ​ണ്ട തീ​യ​തി​യാ​ണ് ല​ഭി​ക്കു​ന്ന​ത്. അ​ടി​യ​ന്ത​ര ചി​കി​ത്സ ആ​വ​ശ്യ​മു​ള്ള സാ​ധാ​ര​ണ​ക്കാ​രെ ഇ​ത് വലിയ പ്ര​തി​സ​ന്ധി​യി​ലാക്കും. 132 സീ​നി​യ​ർ റെ​സി​ഡ​ന്‍റ് പോ​സ്റ്റു​ക​ളാ​ണ് കോ​ഴി​ക്കോ​ട് മെ​ഡി​ക്ക​ൽ കോ​ള​ജിൽ അ​നു​വ​ദി​ക്ക​പ്പെ​ട്ട​ത്. എ​ന്നാ​ൽ സാ​മ്പ​ത്തി​ക പ്ര​തി​സ​ന്ധി കാരണം ഇ​തി​ന്‍റെ മൂന്നിലൊന്ന് ത​സ്‌തി​ക​ക​ൾ മാ​ത്ര​മേ അ​നു​വ​ദി​ച്ചിട്ടുള്ളൂ. അ​ടു​ത്ത ബാ​ച്ച് ജോലിയിൽ പ്രവേശിക്കണമെ​ങ്കി​ൽ ജൂ​നി​യ​ർ റെ​സി​ഡ​ന്‍റ് പ​രീ​ക്ഷ ക​ഴി​ഞ്ഞ് ഫലം പ്രഖ്യാപിക്ക​ണം.

2025 ജ​നു​വ​രിയിലാണ് ജൂ​നി​യ​ർ റെ​സി​ഡ​ന്‍റ് ഫൈ​ന​ൽ പരീക്ഷ ന​ട​ക്കുക. ഇതിന്‍റെ ഫ​ലപ്ര​ഖ്യാ​പ​നം ക​ഴി​ഞ്ഞ് സീ​നി​യ​ർ റെ​സി​ഡ​ന്‍റു​മാ​രെ നി​യ​മി​ക്കു​മ്പോ​ഴേക്കും ഫെബ്രു​വ​രി മാസം കഴിയും. കൊവിഡ് കാരണം ഉണ്ടായ പ്രതിസന്ധിയാണ് നടപടി ക്രമങ്ങൾ വൈകാൻ കാരണമെന്നാണ് ഔദ്യോഗിക വിശദീകരണം.

ഇടിവി ഭാരത് കേരളം ഇനി വാട്‌സ്‌ആപ്പിലും

ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക.

ഇതെല്ലാം മെ​ഡി​ക്ക​ൽ വി​ദ്യാ​ഭ്യാ​സ വ​കു​പ്പി​നും സ​ർ​ക്കാ​രി​നും നേ​ര​ത്തേ അ​റി​യാ​മാ​യി​രു​ന്നി​ട്ടും നി​ല​വി​ലു​ള്ള​വ​രു​ടെ കാലാവധി നീ​ട്ടു​ന്ന​ത​ട​ക്ക​മു​ള്ള ഒരു ന​ട​പ​ടി​യും സ്വീ​ക​രി​ച്ചി​രുന്നില്ല. പ്ര​ശ്‌നത്തി​ന്‍റെ ഗൗ​ര​വം വ്യ​ക്ത​മാ​ക്കി ആരോഗ്യ വിദ്യാഭ്യാസ ഡയറക്‌ടർക്ക് കോഴിക്കോട് മെഡിക്കൽ കോളജ് അധികൃതർക്ക് ക​ത്ത് അയച്ചിരുന്നു. എ​ന്നാ​ൽ സീനിയർ റെസിഡന്‍റായി തു​ട​രാ​ൻ ആ​ഗ്ര​ഹം പ്ര​ക​ടി​പ്പി​ച്ച​വ​ർ​ക്കു​പോ​ലും ഇ​തു​വ​രെ അ​നു​മ​തി ല​ഭി​ച്ചി​ട്ടി​ല്ലെ​ന്നാ​ണ് വി​വ​രം. സർക്കാ​ർ അടിയന്തര​മാ​യി ഇ​ട​പെ​ട്ട് പ്ര​ശ്‌ന​ത്തി​ന് പ​രി​ഹാ​രം കാ​ണ​ണ​മെ​ന്നാണ് ഡോക്‌ടർമാരും പറയുന്നത്.