മലപ്പുറം: മുഖ്യമന്ത്രി പിണറായി വിജയന്‍റെ മലപ്പുറം പരാമര്‍ശത്തിലും എംഎല്‍എ കെടി ജലീലിന്‍റെ പ്രസ്‌താവനയിലും പ്രതിഷേധിച്ച് എസ്‌പി ഓഫിസിലേക്ക് നടത്തിയ യൂത്ത് ലീഗ് മാര്‍ച്ചില്‍ സംഘര്‍ഷം. ബാരിക്കേഡ് മറികടക്കാന്‍ ശ്രമിച്ച പ്രവര്‍ത്തകര്‍ക്ക് നേരെ പൊലീസ് ജലപീരങ്കി പ്രയോഗിച്ചു. രണ്ട് തവണ ജലപീരങ്കി പ്രയോഗിച്ചെങ്കിലും പ്രവര്‍ത്തകര്‍ മാര്‍ച്ച് അവസാനിപ്പിച്ചില്ല.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
മുഖ്യമന്ത്രി പിണറായി വിജയന്‍ ആര്‍എസ്‌എസ്‌ ഏജന്‍റാണെന്നും കേരളത്തെ ഒറ്റുകൊടുക്കാനാണ് ശ്രമം നടക്കുന്നതെന്നും പ്രവര്‍ത്തകര്‍ പറഞ്ഞു. ജനങ്ങള്‍ക്കിടയില്‍ മതസ്‌പര്‍ധ വളര്‍ത്തുന്ന പരാമര്‍ശങ്ങള്‍ നടത്തിയെന്ന് ചൂണ്ടിക്കാട്ടി പ്രവര്‍ത്തകര്‍ കെടി ജലീലിനെതിരെ എസ്‌പിക്ക് പരാതിയും നല്‍കി.
