തൃശൂര്‍: വ്യക്തിവൈരാഗ്യത്തെ തുടർന്ന് ചെമ്മണ്ണൂരിൽ ബിജെപി പ്രവർത്തകനെ വെട്ടി പരിക്കേൽപ്പിച്ചു. ചെമ്മണ്ണൂർ സ്വദേശി പണിക്കശ്ശേരി വീട്ടിൽ റോഹന്‍ (19) ആണ് പരിക്കേറ്റത്. ഇന്ന് വൈകിട്ട് 7 മണിയോടെയായിരുന്നു സംഭവം.
ബൈക്കിൽ സുഹൃത്തുമായി പോവുകയായിരുന്ന റോഹനെ ചെമ്മണ്ണൂർ അങ്ങാടിയിൽ വച്ച് തടഞ്ഞുനിർത്തി കത്തികൊണ്ട് തലയ്ക്ക് വെട്ടുകയായിരുന്നു എന്ന് പറയുന്നു. റോഹനെ ആക്രമിക്കുന്നത് കണ്ട് സുഹൃത്തുക്കൾ ഓടി രക്ഷപ്പെട്ടു. അക്രമണത്തിന് പിന്നിൽ സിപിഎം പ്രവർത്തകനാണെന്ന് മർദ്ദനമേറ്റ റോഹൻ ആരോപിച്ചു.
ചെമ്മണ്ണൂർ മണിത്തല അമ്പലത്തിലേക്ക് നടന്ന പൂരം എഴുന്നളിപ്പുമായി ബന്ധപ്പെട്ട് തർക്കം നിലനിന്നിരുന്നു. ഇതേ തുടർന്നുള്ള വൈരാഗ്യമാണ് ആക്രമണത്തിന് കാരണമായതെന്ന് പരിക്കേറ്റ റോഹൻ പറഞ്ഞു. പരിക്കേറ്റ റോഹൻ കുന്നംകുളം മലങ്കര ആശുപത്രിയിൽ ചികിത്സ തേടി. സംഭവത്തിൽ കുന്നംകുളം പൊലീസിൽ പരാതി നൽകി.
Also Read: ആത്മഹത്യയ്‌ക്ക്‌ ശ്രമിച്ച്‌ ചികിത്സയിലായിരുന്ന എസ്ഐ മരിച്ചു; ജോലി സമ്മർദ്ദം മൂലമെന്ന്‌ മൊഴി
