ബാർ കോഴ, എക്സൈസ് - ടൂറിസം മന്ത്രിമാർ രാജിവെച്ച് ജുഡീഷ്യൽ അന്വേഷണം നേരിടണമെന്ന് എം എം ഹസ്സൻ (ETV Bharat)
തിരുവനന്തപുരം: ബാർ കോഴ ആരോപണത്തിന്‍റെ പശ്ചാത്തലത്തില്‍ എക്സൈസ്, ടൂറിസം മന്ത്രിമാർ രാജിവച്ച് ജുഡീഷ്യൽ അന്വേഷണം നേരിടണമെന്ന് യുഡിഎഫ് കൺവീനർ എംഎം ഹസൻ. ഇന്ന് ചേർന്ന യുഡിഎഫ് നേതൃത്വ യോഗത്തിന് ശേഷം കെപിസിസി ആസ്ഥാനമായ ഇന്ദിരാഭവനിൽ നടത്തിയ വാർത്താ സമ്മേളനത്തിലാണ് എംഎം ഹസൻ മന്ത്രിമാരുടെ രാജിയും ജുഡീഷ്യൽ അന്വേഷണവും ആവശ്യപ്പെട്ടത്.
ബാർ കോഴ ക്രൈം ബ്രാഞ്ച് അന്വേഷിച്ചാൽ കൃത്യമായ വിവരം പുറത്തു വരില്ല. ടൂറിസം മന്ത്രിയെ രക്ഷിക്കാനാണ് എക്സൈസ് മന്ത്രി രംഗത്ത് വന്നത്. മുഖ്യമന്ത്രിയുടെ അറിവില്ലാതെ ബാർ മുതലാളിമാരുടെ അസോസിയേഷനിൽ ഇത്തരത്തിൽ ചർച്ച നടക്കില്ല. 130 ബാറുകൾക്ക് കഴിഞ്ഞ രണ്ട് വർഷത്തിൽ പുതുതായി ലൈസൻസ് കൊടുത്തു.
