ഹൈദരാബാദ്: ഇന്ത്യൻ പ്രീമിയർ ലീഗിൽ (ഐപിഎൽ) പുതിയ സീസണിനു മുന്നോടിയായി മുൻ ഇന്ത്യൻ താരം സഹീർ ഖാനെ ഉപദേശകനായി നിയമിച്ച് ലഖ്‌നൗ സൂപ്പർ ജയന്‍റ്സ്. അന്താരാഷ്ട്ര ക്രിക്കറ്റിൽ നിന്ന് വിരമിച്ച ശേഷം ഐപിഎൽ ക്രിക്കറ്റ് പരമ്പരയിൽ മുംബൈ ഇന്ത്യൻസ് ടീമിന്‍റെ കൺസൾട്ടന്‍റായി പ്രവർത്തിച്ചു. സഹീറിന്‍റെ പ്രചോദനത്തില്‍ ഐപിഎൽ ക്രിക്കറ്റ് ചരിത്രത്തിലെ ഏറ്റവും വിജയകരമായ ടീമായി മുംബൈ മാറി. 5 തവണ ട്രോഫി നേടി.
2016-17 സീസണുകളിൽ ഡൽഹി ഡെയർഡെവിൾസിനെ (ഇപ്പോൾ ഡൽഹി ക്യാപിറ്റൽസ്) നയിച്ച ഇടംകൈയ്യൻ പേസർ എംഐ, റോയൽ ചലഞ്ചേഴ്‌സ് ബെംഗളൂരു, ഡൽഹി ഡെയർഡെവിൾസ് എന്നീ മൂന്ന് ഫ്രാഞ്ചൈസികളുടെ ഭാഗമായി. 100 ഐപിഎൽ മത്സരങ്ങളിൽ താരം കളിച്ചിട്ടുണ്ട്. 10 സീസണുകളിലായി 102 വിക്കറ്റുകൾ നേടി. 2017 സീസണിൽ, ഇന്ത്യൻ പ്രീമിയർ ലീഗിൽ 100 വിക്കറ്റ് നേടുന്ന ചരിത്രത്തിലെ 10-ാമത്തെ ബൗളറും എട്ടാമത്തെ ഇന്ത്യൻ ബൗളറുമായി സഹീർ മാറി. 38-ാം വയസ്സിൽ ഈ നേട്ടം കൈവരിക്കുന്ന ഏറ്റവും പ്രായം കൂടിയ താരമാണ്.
He's here, guys 💙pic.twitter.com/K7Bp7tffVB
— Lucknow Super Giants (@LucknowIPL) August 28, 2024
2000 മുതൽ 2014 വരെ 14 വർഷം സഹീർ ഖാൻ ഇന്ത്യൻ ടീമിൽ കളിച്ചിട്ടുണ്ട്. 2011ൽ ഇന്ത്യൻ ടീമിന് ലോകകപ്പ് നേടിക്കൊടുത്തതിൽ പ്രധാനികളിലൊരാളാണ് സഹീർ ഖാൻ എന്നതും ശ്രദ്ധേയമാണ്. 2011 ലോകകപ്പിൽ 21 വിക്കറ്റുമായി ഏറ്റവും കൂടുതൽ വിക്കറ്റ് വീഴ്ത്തിയ ബൗളർ എന്ന റെക്കോർഡും താരം സ്വന്തമാക്കി. കപിൽ ദേവിന് ശേഷം ഇന്ത്യൻ ടീമിലെ ഏറ്റവും മികച്ച ബൗളറായി ഇടംകൈയ്യൻ ഫാസ്റ്റ് ബൗളർ സഹീർ ഖാൻ കണക്കാക്കപ്പെടുന്നു. 92 ടെസ്റ്റുകളിലും 200 ഏകദിനങ്ങളിലും 17 ടി20യിലുമായി 311 വിക്കറ്റുകളാണ് താരം നേടിയത്.
അതേസമയം 2025ലെ ഐപിഎൽ ക്രിക്കറ്റ് മെഗാ ലേലം ഉടൻ നടക്കും. അതിനുമുമ്പ് വിവിധ ടീമിൽ മാറ്റങ്ങൾ പ്രതീക്ഷിക്കുന്നു. പല പ്രധാന കളിക്കാരും ദീർഘകാല താരങ്ങളും ഇത്തവണ വശങ്ങൾ മാറുമെന്ന് പ്രതീക്ഷിക്കുന്നു.
Also Read: പാരീസ് പാരാലിമ്പിക്‌സ് 2024: ഇന്ത്യയുടെ മെഡൽ പ്രതീക്ഷയുള്ള മത്സരാർത്ഥികൾ - Paralympics 2024
