ദക്ഷിണാഫ്രിക്കൻ പര്യടനത്തിലെ മൂന്നാം ടി20 മത്സരം ഇന്ന് നടക്കും. നാല് മത്സരങ്ങളുടെ പരമ്പരയിലെ ആദ്യ ടി20യിൽ ഇന്ത്യ തകര്‍പ്പന്‍ വിജയം നേടിയെങ്കിലും രണ്ടാം മത്സരത്തില്‍ പരാജയപ്പെട്ടു. ഇതോടെ പരമ്പര 1-1ന് സമനിലയിലായി. ഇന്നത്തെ മത്സരം തോറ്റാൽ ഇന്ത്യക്ക് പരമ്പര സ്വന്തമാക്കാൻ സാധ്യതയില്ല. മൂന്നാം മത്സരത്തിൽ വിജയിച്ച് പരമ്പര നേടിയെടുക്കാന്‍ കഴിയുമെന്ന പ്രതീക്ഷയിലാണ് ഇന്ത്യ. രണ്ടാം മത്സരത്തില്‍ മങ്ങിയ സഞ്ജു ഇത്തവണ ഫോം വീണ്ടെടുക്കുമെന്നാണ് കരുതുന്നത്.
പരമ്പരയിൽ വൻ പ്രതീക്ഷകളോടെയാണ് യുവതാരം അഭിഷേക് ശർമ്മ റിങ്ങിലെത്തിയത്. പക്ഷേ, തുടർച്ചയായ രണ്ട് മത്സരങ്ങളിലും താരത്തിന് രണ്ടക്കം നല്ലതുപോലെ കടക്കാന്‍ കഴിഞ്ഞില്ല. ആദ്യ ഓവർ മുതൽ തന്നെ ആക്രമണോത്സുകതയോടെ കളിക്കുന്ന അഭിഷേക് പെട്ടെന്നാണ് പവലിയനിലേക്ക് എത്തുന്നത്. മികച്ച ഇന്നിങ്സ് കളിച്ചില്ലെങ്കിൽ ടീമിലെ സ്ഥാനം അപകടത്തിലാകാനും സാധ്യതയുണ്ട്.
📍 Centurion
— BCCI (@BCCI) November 12, 2024
Gearing up for the 3⃣rd T20I 💪 👌#TeamIndia | #SAvIND pic.twitter.com/4SUx9hDsCU
കൂടാതെ ക്യാപ്റ്റൻ സൂര്യകുമാർ യാദവിൽ നിന്ന് ഇതുവരെ വലിയ ഇന്നിങ്സുകളൊന്നു ലഭിച്ചിട്ടില്ല. സൂര്യയും തുടർച്ചയായി പ്രകടനം നടത്തുന്നതില്‍ പരാജയപ്പെട്ടു. ബാറ്റിങ്ങിനെ സഹായിക്കാൻ സെഞ്ചൂറിയൻ പിച്ചിൽ സൂര്യയ്ക്ക് തിളങ്ങേണ്ടതുണ്ട്. തിലക് വർമ്മ സ്ഥിരതയോടെ മികച്ച പ്രകടനം കാഴ്ചവയ്ക്കുന്നു. ഓൾറൗണ്ടർ ഹാർദിക് പാണ്ഡ്യ രംഗത്തുണ്ട്. ഇവരിൽ ആരെങ്കിലും മികവ് പുലർത്തിയാൽ ഇന്ത്യക്ക് കൂറ്റൻ സ്കോർ ഉറപ്പാണ്.
BIRTHDAY CELEBRATION OF SANJU SAMSON 🎂
— Johns. (@CricCrazyJohns) November 12, 2024
- The favourite for all, Sanju...!!!! pic.twitter.com/8suDcAAadp
ബൗളിങ്ങില്‍ ഇന്ത്യൻ സ്പിന്നർ വരുൺ ചക്രവർത്തിആദ്യ മത്സരത്തിൽ 3 വിക്കറ്റും രണ്ടാം ടി20യിൽ 5 വിക്കറ്റും വീഴ്ത്തി. രവി ബിഷ്‌ണോയിയും കരുത്ത് പ്രകടിപ്പിക്കുന്നുണ്ട്. ഈ സാഹചര്യത്തിൽ ഇവരില്‍ വലിയ പ്രതീക്ഷകളാണ്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാം
ആതിഥേയരായ ദക്ഷിണാഫ്രിക്ക പരമ്പരയിലെ ആദ്യ ജയത്തിന് ശേഷം മറ്റൊരു ജയം കൂടി രേഖപ്പെടുത്തുന്നതിന്‍റെ ആക്കം കൂട്ടുകയാണ്. എന്നാൽ ടീമിന് ബാറ്റിങ്ങിലും പ്രശ്നങ്ങളുണ്ട്. മാർക്രം, ക്ലാസൻ തുടങ്ങിയ മുൻനിര ബാറ്റര്‍മാർ കുറഞ്ഞ സ്‌കോറിനാണ് പുറത്തായത്. ഈ കുതിപ്പിൽ പ്രോട്ടാസ് പരമ്പരയിൽ മേൽക്കൈ നേടാനുള്ള ശ്രമത്തിലാണ്
ടീം ഇന്ത്യ : സൂര്യകുമാർ യാദവ് (ക്യാപ്റ്റൻ), അഭിഷേക് ശർമ, സഞ്ജു സാംസൺ (വിക്കറ്റ് കീപ്പർ), റിങ്കു സിങ്, തിലക് വർമ, ജിതേഷ് ശർമ (വിക്കറ്റ് കീപ്പർ), ഹാർദിക് പാണ്ഡ്യ, അക്ഷര് പട്ടേൽ, രമണദീപ് സിങ്, വരുൺ ചക്രവർത്തി, രവി ബിഷ്‌ണോയ്, അർഷദീപ് സിങ്, വിജയകുമാർ വൈഷക് സിങ്, അവേഷ് ഖാൻ, യാഷ് ദയാൽ.
Also Read: വിരാട് കോലിയുടെ പേരില്‍ അങ്കം; ഗംഭീറിന്‍റെ രൂക്ഷപ്രതികരണത്തില്‍ മറുപടിയുമായി റിക്കി പോണ്ടിങ്
