ന്യൂഡല്‍ഹി: മുൻ ഇന്ത്യൻ ക്രിക്കറ്റ് താരം വിനോദ് കാംബ്ലിയുടെ എന്ന പേരില്‍ സമൂഹമാധ്യമങ്ങളില്‍ പ്രചരിച്ച വീഡിയോക്കെതിരേ താരം രംഗത്ത്. താന്‍ പൂര്‍ണമായും സുഖമായിരിക്കുന്നുവെന്ന് അദ്ദേഹം മാധ്യമങ്ങളോട് പറഞ്ഞു. സമൂഹമാധ്യമങ്ങളിലെ വീഡിയോകളില്‍ വിശ്വസിക്കരുതെന്നും കാംബ്ലി പറഞ്ഞു.
If you grew up in the 90s, you likely remember Vinod Kambli for his aggressive batting and flamboyant style at the crease. A video has surfaced on social media showing him struggling to walk steadily, sparking concern, sympathy for his current health condition. #bcci #TeamIndia pic.twitter.com/Sarfjgpdbq
— Vinay Kulkarni (@Vinaykulkarni91) August 6, 2024
പ്രചരിച്ച വീഡിയോയിൽ വിനോദ് കാംബ്ലി വളരെ അവശനായാണ് നിൽക്കുന്നത്. നടക്കാന്‍ കഴിയാത്തതിനാല്‍ സമീപത്തുള്ളവരോട് സഹായം അഭ്യർത്ഥിക്കുന്നതും കാണാം. ആളുകള്‍ വന്ന് താങ്ങിയിട്ടും പോലും നേരെ നില്‍ക്കാന്‍ പറ്റാത്ത അവസ്ഥയാണ് വീഡിയോയിലുള്ളത്. സോഷ്യല്‍ മീഡിയയില്‍ വൈറലായ വീഡിയോ കണ്ട് ഞെട്ടിയിരുന്നു വിനോദ് കാംബ്ലിയുടെ ആരാധകര്‍.
കാംബ്ലി ക്രിക്കറ്റ് കരിയറിൽ 17 ടെസ്റ്റുകളും 104 ഏകദിനങ്ങളും കളിച്ചിട്ടുണ്ട്. ഏകദിനത്തിലും ടെസ്റ്റിലുമായി 4 സെഞ്ചുറികളും അദ്ദേഹത്തിന്‍റെ പേരിലുണ്ട്. ടെസ്റ്റിൽ 1084 റൺസും ഏകദിനത്തിൽ 14 അർധസെഞ്ചുറികളുമായി 2477 റൺസും നേടിയിട്ടുണ്ട്.
