ഹൈദരാബാദ്: ക്രിസ്റ്റ്യാനോ റൊണാൾഡോ റെക്കോർഡുകളെ പിന്തുടരുന്നില്ല, റെക്കോർഡുകളാണ് പോർച്ചുഗീസ് ഇതിഹാസ താരത്തെ പിന്തുടരുന്നത്. ക്രിസ്റ്റ്യാനോ ഫുട്ബോൾ മൈതാനത്ത് റെക്കോർഡുകൾ സൃഷ്ടിക്കുന്നത് പതിവാണ്, എന്നാൽ ഇപ്പോൾ സമൂഹ മാധ്യമങ്ങളിലും താരം റെക്കോർഡുകൾ സൃഷ്‌ടിക്കുകയാണ്.
ആഗസ്റ്റ് 21 ന് ആണ് തന്‍റെ യൂട്യൂബ് ചാനൽ 'യുവർ ക്രിസ്റ്റ്യാനോ' താരം ആരംഭിച്ചത്. 90 മിനിറ്റിനുള്ളിൽ, 10 ലക്ഷം സബ്‌സ്‌ക്രൈബർമാരിൽ എത്തിയ ഏറ്റവും വേഗതയേറിയ യൂട്യൂബ് ചാനലായി മാറി. എന്നാൽ രണ്ട് ദിവസത്തിനുള്ളിൽ മൂന്ന് കോടിയിലേക്കാണ് അകൗണ്ട് ഉയർന്നത്.
ചാനലിൽ ഇതുവരെ 19 വീഡിയോകൾ മാത്രമാണ് റൊണാൾഡോ അപ്‌ലോഡ് ചെയ്തത്. ഓരോ വീഡിയോയ്ക്കും ദശലക്ഷക്കണക്കിന് കാഴ്‌ചക്കാരുണ്ട്. റൊണാൾഡോയും ഭാര്യ ജോർജിനയും തങ്ങളെക്കുറിച്ചും അവരുടെ ബന്ധത്തെക്കുറിച്ചും സംസാരിക്കുന്ന ഒരു വീഡിയോ ഏകദേശം 10 ദശലക്ഷം ആളുകൾ കണ്ടു.
A present for my family ❤️ Thank you to all the SIUUUbscribers! ➡️ https://t.co/d6RaDnAgEW pic.twitter.com/keWtHU64d7
— Cristiano Ronaldo (@Cristiano) August 21, 2024
90 മിനിറ്റില്‍ ഗോള്‍ഡന്‍ പ്ലേ ബട്ടണും 12 മണിക്കൂറിനുള്ളില്‍ ഡയമണ്ട് പ്ലേ ബട്ടണും താരം സ്വന്തമാക്കി.ആളുകൾക്ക് വർഷങ്ങളെടുക്കുന്ന ഒരു നേട്ടമാണിത്, എന്നാൽ 39 കാരനായ ഈ നേട്ടം വെറും 10 മണിക്കൂർ കൊണ്ട് റൊണാള്‍ഡോ പൂർത്തിയാക്കി.
ക്രിസ്റ്റ്യാനോയുടെ യൂട്യൂബ് ചാനലിന് മുമ്പ് 10 മില്യൺ സബ്‌സ്‌ക്രൈബർമാരിലെത്തിയത് മിസ്റ്റർ ബെസ്റ്റ് ആയിരുന്നു.132 ദിവസം കൊണ്ടാണ് ഈ നേട്ടം കൈവരിച്ചത്. നിലവിൽ മിസ്റ്റർ ബെസ്റ്റിന് യൂട്യൂബിൽ 311 ദശലക്ഷം വരിക്കാരുണ്ട്. ഈ സംഖ്യ വർദ്ധിച്ചുകൊണ്ടിരിക്കുകയാണെങ്കിൽ, റൊണാൾഡോയുടെ ചാനൽ ചരിത്രത്തിലെ ഏറ്റവും വേഗത്തിൽ വളരുന്ന ചാനലായി മാറും.
സമൂഹ മാധ്യമങ്ങളില്‍ ഒരു ബില്യൺ ഫോളോവേഴ്‌സ്
ക്രിസ്റ്റ്യാനോ റൊണാൾഡോയ്ക്ക് നിലവിൽ യൂട്യൂബിൽ 3.31 കോടി സബ്സ്ക്രൈബേഴ്‌സാണുള്ളത്. എക്‌സിൽ 112.6 ദശലക്ഷം, ഫേസ്ബുക്കിൽ 170 ദശലക്ഷം, ഇൻസ്റ്റാഗ്രാമിൽ 636 ദശലക്ഷം ഫോളോവേഴ്‌സ്. ഇതോടെ സോഷ്യൽ മീഡിയയിൽ റൊണാൾഡോയുടെ ആകെ ഫോളോവേഴ്‌സിന്‍റെ എണ്ണം 948 ദശലക്ഷമായി ഉയർന്നു, ഇത് 1 ബില്യണിലെത്താൻ പോകുന്നു, ഇത് ഏതൊരു കളിക്കാരനും അവിശ്വസനീയമാണ് ഈ നേട്ടം.
ഏറ്റവും കൂടുതൽ വരുമാനം നേടുന്ന താരം
ലോകത്ത് ഏറ്റവും കൂടുതൽ പ്രതിഫലം വാങ്ങുന്ന കായികതാരങ്ങളിൽ ഒരാളാണ് റൊണാൾഡോ. 1 ബില്യൺ ഡോളറിലധികം സമ്പാദിക്കുന്ന ആദ്യ ഫുട്ബോൾ കളിക്കാരൻ കൂടിയാണ് അദ്ദേഹം. അമേരിക്കൻ മാസികയായ ഫോർബ്‌സിന്‍റെ കണക്കനുസരിച്ച് ക്രിസ്റ്റ്യാനോ റൊണാൾഡോയുടെ സമ്പത്ത് 260 മില്യൺ ഡോളറാണ്. അൽ-നാസർ ഫുട്ബോൾ ക്ലബ്ബിൽ നിന്ന് 200 മില്യൺ ഡോളർ വാർഷിക ശമ്പളം നേടുന്നു, അതേസമയം അദ്ദേഹത്തിന്‍റെ ഓഫ് ഫീൽഡ് വരുമാനം 60 മില്യൺ ഡോളറാണ്.
