ബംഗ്ലാദേശിനെതിരേ വെടിക്കെട്ട് ബാറ്റിങ്ങുമായി ദക്ഷിണാഫ്രിക്ക; 3 പേര്‍ക്ക് സെഞ്ചുറി, 2 ഫിഫ്റ്റി

ദക്ഷിണാഫ്രിക്ക ആറു വിക്കറ്റ് നഷ്ടത്തിൽ 575 റൺസുമായി ഇന്നിങ്സ് ഡിക്ലയർ ചെയ്‌തു.

ചറ്റോഗ്രാം: ബംഗ്ലദേശിനെതിരായ രണ്ടാം ക്രിക്കറ്റ് ടെസ്റ്റിൽ ദക്ഷിണാഫ്രിക്കയ്ക്ക് കൂറ്റൻ സ്കോർ. സഹൂർ അഹമ്മദ് ചൗധരി സ്റ്റേഡിയത്തിൽ ടെസ്റ്റിൽ ദക്ഷിണാഫ്രിക്ക 144.2 ഓവറിൽ ആറു വിക്കറ്റ് നഷ്ടത്തിൽ 575 റൺസുമായി ഇന്നിങ്സ് ഡിക്ലയർ ചെയ്‌തു. മൂന്ന് ബാറ്റര്‍മാര്‍ തങ്ങളുടെ കന്നി ടെസ്റ്റ് സെഞ്ചുറി അടിച്ചപ്പോള്‍ രണ്ടുപേര്‍ അര്‍ധ സെഞ്ചുറിയുമായി തിളങ്ങി. ടെസ്റ്റ് ക്രിക്കറ്റ് ചരിത്രത്തിൽ ആദ്യമായാണ് മൂന്ന് ദക്ഷിണാഫ്രിക്കൻ ബാറ്റര്‍മാര്‍ ഏഷ്യയിൽ ഒരേ ടെസ്റ്റ് ഇന്നിങ്സിൽ 100 ​​റൺസിന് മുകളിൽ സ്‌കോർ ചെയ്യുന്നത്.

ക്യാപ്റ്റൻ എയ്ഡൻ മർക്രം 33 റൺസുമായി നിരാശപ്പെടുത്തിയെങ്കിലും തകർപ്പൻ ബാറ്റിങ് പുറത്തെടുത്ത ഓപ്പണർ ടോണി ഡിസോർസി (177), ട്രിസ്റ്റൻ സ്റ്റബ്സ് (106), വിയാൻ മുൾഡർ (105) എന്നിവരാണ് പ്രോട്ടീസിന് കൂറ്റൻ സ്കോർ സമ്മാനിച്ചത്. രണ്ടാം ദിനം കളി നിർത്തുമ്പോൾ നാലു വിക്കറ്റ് നഷ്‌ടപ്പെടുത്തി 38 റൺസ് എന്ന നിലയിലാണ് ബംഗ്ലാദേശ്.

Tony De Zorzi stood on business with an unbeaten 141* today 💯🔥

An absolute anchor for the team at the crease. Showing grit, patience, and Protea pride 👏🏏🇿🇦#WozaNawe #BePartOfIt #BANvSA pic.twitter.com/f26GBTeAHP

— Proteas Men (@ProteasMenCSA) October 29, 2024

ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാം

2013ൽ ദുബായിൽ പാക്കിസ്ഥാനെതിരെ നടന്ന മത്സരത്തിന് ശേഷം ഇതാദ്യമായാണ് ദക്ഷിണാഫ്രിക്ക ഏഷ്യയിൽ ഒരു ടെസ്റ്റ് ഇന്നിങ്സിൽ 500-ഓ അതിലധികമോ റൺസ് നേടുന്നത്. മത്സരത്തില്‍ ഒരു ഇന്നിങ്സിൽ 17 സിക്സറുകളുമായി റെക്കോർഡും ദക്ഷിണാഫ്രിക്ക സൃഷ്ടിച്ചു.

Century for Tristan Stubbs 💯🏏

What a knock from the young gun 🚀.
Bringing power, passion, and pure Protea pride to the crease 🏏🇿🇦👏#WozaNawe #BePartOfIt #BANvSA pic.twitter.com/l5G0oOk2WH

— Proteas Men (@ProteasMenCSA) October 29, 2024

ഒരു ഇന്നിങ്സിൽ ദക്ഷിണാഫ്രിക്കയുടെ ഏറ്റവും കൂടുതൽ സിക്‌സറുകൾ

• 17 vs ബംഗ്ലാദേശ്, ചിറ്റഗോംഗ്, 2024
• 15 vs വെസ്റ്റ് ഇൻഡീസ്, ബാസെറ്റെറെ, 2010
• 12 vs ഓസ്ട്രേലിയ, കേപ്ടൗൺ, 2009
• 12 vs ഇന്ത്യ, സെഞ്ചൂറിയൻ, 2010

ദക്ഷിണാഫ്രിക്കയുടെ ഏഷ്യയിലെ ഏറ്റവും ഉയർന്ന സ്കോർ

• 584/9 vs പാകിസ്ഥാൻ, അബുദാബി, 2010
• 583/7 vs ബംഗ്ലാദേശ്, ചിറ്റഗോംഗ്, 2008
• 577/6 vs ബംഗ്ലാദേശ്, ചിറ്റഗോംഗ്, 2024
• 558/6 vs ഇന്ത്യ, നാഗ്പൂർ, 2010
• 540 vs ഇന്ത്യ, ചെന്നൈ, 2008