പാരീസ് പാരാലിമ്പിക്‌സ്; ഉദ്ഘാടന ചടങ്ങിൽ ഭാഗ്യശ്രീയും സുമിത്തും ഇന്ത്യൻ പതാകയേന്തും - Paris Paralympics 2024

പാരീസ് പാരാലിമ്പിക് ഗെയിംസില്‍ ഷോട്ട്പുട്ട് താരം ഭാഗ്യശ്രീ ജാദവ്, സ്റ്റാർ ജാവലിൻ ത്രോ താരം സുമിത് ആന്‍റി എന്നിവര്‍ ഇന്ത്യന്‍ പതാക വഹിക്കും. ഓഗസ്റ്റ് 28 മുതൽ സെപ്റ്റംബർ 8 വരെയാണ് ഗെയിംസ് നടക്കുന്നത്.

ന്യൂഡൽഹി: പാരീസ് പാരാലിമ്പിക് ഗെയിംസിന്‍റെ ഉദ്ഘാടന ചടങ്ങിനുള്ള പതാകവാഹകരെ പ്രഖ്യാപിച്ചു. ഷോട്ട്പുട്ട് താരം ഭാഗ്യശ്രീ ജാദവ്, സ്റ്റാർ ജാവലിൻ ത്രോ താരം സുമിത് ആന്‍റി എന്നിവരാണ് ചടങ്ങില്‍ ഇന്ത്യന്‍ പതാക വഹിക്കുക. ഭാഗ്യശ്രീയും സുമിത്തും പാരാലിമ്പിക്‌സിൽ ഇന്ത്യയുടെ 84 അംഗ സംഘത്തെ പ്രതിനിധീകരിക്കും. 2020 ടോക്കിയോ ഒളിമ്പിക്‌സിൽ 54 അത്‌ലറ്റുകളാണ് രാജ്യത്തെ പ്രതിനിധീകരിച്ച് പങ്കെടുത്തത്. ഇത്തവണത്തെ 84 അത്‌ലറ്റുകളുടെ പങ്കാളിത്തം രാജ്യത്തെ എക്കാലത്തെയും വലിയ സംഘമായതിനാൽ ഇന്ത്യയെ സംബന്ധിച്ച് പ്രത്യേക നിമിഷമാണ്. ഓഗസ്റ്റ് 28 മുതൽ സെപ്റ്റംബർ 8 വരെയാണ് പാരീസിൽ പാരാലിമ്പിക് ഗെയിംസ് നടക്കുന്നത്.

World para Athletes championship japan in kobe 20/5/2024 I got silver 🥈medal 🙏🙏 pic.twitter.com/OS70WheiM7

— Bhagyashri Jadhav (@J_bhagyashri_) May 22, 2024

ആരാണ് ഭാഗ്യശ്രീ ജാദവ്?

മഹാരാഷ്ട്ര സ്വദേശിയായ ഭാഗ്യശ്രീ ജാദവ് അന്താരാഷ്ട്ര വേദികളിൽ തുടർച്ചയായി മികച്ച പ്രകടനം കാഴ്‌ച വച്ച താരമാണ്. 2022 ലെ ഏഷ്യൻ പാരാ ഗെയിംസിൽ ഷോട്ട്പുട്ട് എഫ് 34 വിഭാഗത്തിൽ വെള്ളി മെഡൽ നേടിയ അവർ ടോക്കിയോ പാരാലിമ്പിക്സിൽ ഏഴാം സ്ഥാനത്തെത്തി. 2017 ലാണ് ജാദവിന്‍റെ കായിക യാത്ര ആരംഭിച്ചത്. ഫെസ ലോകകപ്പ്, ലോക പാരാ അത്‌ലറ്റിക്സ് ഗെയിംസ് എന്നിവയുൾപ്പെടെ വിവിധ അന്താരാഷ്ട്ര മത്സരങ്ങളിൽ മെഡലുകൾ നേടി വ്യക്തിമുദ്ര പതിപ്പിച്ചു.

SPEECHLESS 🤩

🔥 Sumit Antil sets a WR with his first 66.95m throw!
🔥 Breaks his OWN WR with his second 68.08m attempt!
🔥 Breaks it yet AGAIN in his 5th attempt with 68.55m
🔥 Wins the Men's Javelin F64 #Gold for #IND! #Tokyo2020 #Paralympics #ParaAthletics pic.twitter.com/q3Nl2m1dLM

— Olympic Khel (@OlympicKhel) August 30, 2021

സുമിത് ആന്‍റി
ജാവലിൻ ത്രോ താരം സുമിത് ആന്‍റിലാണ് എഫ്64 വിഭാഗത്തിലെ നിലവിലെ ലോക റെക്കോർഡ് ഉടമ. 2020ലെ ടോക്കിയോ പാരാലിമ്പിക്‌സിൽ 68.55 മീറ്റർ എറിഞ്ഞ് ലോക റെക്കോർഡോടെ സ്വർണം നേടി. 2023 ലെ ലോക പാരാ അത്‌ലറ്റിക് ചാമ്പ്യൻഷിപ്പിൽ സ്വർണ്ണ മെഡൽ നേടി. 2022 ലെ ഏഷ്യൻ പാരാ ഗെയിംസിൽ 73.29 മീറ്റർ എന്ന പുതിയ ലോക റെക്കോർഡ് സ്ഥാപിച്ചുകൊണ്ട് ആന്‍റിലും ആധിപത്യം തുടർന്നു.

ടോക്കിയോയിൽ ഇന്ത്യ 19 മെഡലുകൾ നേടി

ടോക്കിയോ പാരാലിമ്പിക്‌സിൽ ഇന്ത്യ 19 മെഡലുകൾ സ്വന്തമാക്കി. കൂടുതൽ മെഡലുകൾ നേടി ആഗോള പാരാലിമ്പിക് വേദിയിൽ ലീഡ് തുടരുകയാണ് പാരീസിലെ ഇന്ത്യയുടെ ലക്ഷ്യം. പാരീസ് ഒളിമ്പിക്‌സിൽ 6 മെഡലുകൾ മാത്രമുള്ള ഇന്ത്യ 71-ാം സ്ഥാനത്താണ്.