പാരിസ്: ഒളിമ്പിക്‌സിൽ ചരിത്രം കുറിച്ച് ഇന്ത്യൻ താരം മനിക ബത്ര പ്രീ ക്വാർട്ടറിൽ. ടേബിൾ ടെന്നിസ് വനിത സിംഗിൾസ് മത്സരത്തിൽ പ്രീ ക്വാർട്ടറിൽ എത്തിയ ആദ്യ വനിതയായി താരം. ഇന്ത്യൻ വംശജയായ ഫ്രാൻസ് താരം പ്രിതിക പാവഡെ പരാജയപ്പെടുത്തിയാണ് മനികയുടെ മുന്നേറ്റം. 11-9, 11-6, 11-9, 11-7 എന്നിങ്ങനെയുള്ള സ്‌കോറുകളിൽ നാല് ഗെയിമുകളിലും മുന്നേറിക്കൊണ്ടാണ് താരം പ്രീ ക്വാർട്ടറിലെത്തുന്നത്.
2023ലെ കോമൺവെൽത്ത് ഗെയിംസിൽ വനിത സിംഗിൾസിൽ മനിക സ്വർണ മെഡൽ നേടിയിരുന്നു. ടോക്കിയോ ഒളിമ്പിക്‌സിൽ 32-ാം റൗണ്ടിലെത്തിയ മനിക ഇത്തവണ മികച്ച പ്രകടനമാണ് കാഴ്‌ചവെക്കുന്നത്. ടോക്കിയോ ഒളിമ്പിക്‌സിൽ പുരുഷ സിംഗിൾസിൽ 32-ാം റൗണ്ടിലെത്തിയ മുൻ താരം അചന്ത ശരത് കമലാണ് പുരുഷ സിംഗിൾസിൽ ഇന്ത്യക്കായി മികച്ച പ്രകടനം കാഴ്‌ചവെച്ചത്.
